【虛擬銀行】Mox開業一周年優惠 1%活期息定純黑金屬卡吸引你?

博客 17:26 2021/09/29

分享:

Mox開業1周年,除咗推出咗3個生日優惠之外,仲趁機會公布咗一啲有關儲蓄、消費、借貸嘅營業數據,包括過去1年時間上咗幾多客、吸咗幾多存款、做咗幾多Payment、開咗幾多Credit limit、平均Credit申請時間等等,都幾有趣的,仲可以用嚟評估一下香港各虛銀嘅發展情況。

    點擊圖片放大

Mox仲透露咗一啲未來嘅發展方向,話會「繼續傾聽客戶需求」喎,唔知佢哋嘅計劃又啱唔啱大家口味呢?

【Mox Bank慶開業一周年推優惠 完成任務享1%活期存款利率:按此

今日就同大家實測一吓Mox嘅生日優惠、討論吓最新營業數據、再分析吓佢哋未來嘅發展喇!

Mox三大生日優惠,邊隻最易玩呢?

Mox今次會推出3個生日優惠,分別係

  • 1%活期存款利率(Mox Bonus)
  • Mox推薦共賞計劃
  • 金屬Mox Card大抽獎

唔知邊隻最容易玩呢?

首先講講1%存款利率(Mox Bonus),乜唔係所有虛銀都1%利率嘅咩?

俱往矣喇!上年呢個時間真係每一間虛銀都玩緊1%活期存款利率嘅,不過嚟到今日就已成過去喇,所以「好息之徒」都可以考慮吓呢個優惠,上限有50萬蚊咁多,都幾有競爭力的。

【Mox消費分期有驚喜 解決咗一個好多人都面對緊嘅問題!:按此

玩法係要先用Mox Card消費4,000蚊,個戶口再最少有50,000蚊,完成任務後當月往後日子就會有1%利率,我自己就配合埋啲5%/10%回贈一齊玩,都不是太難的,當我消費夠數,佢仲有Push notification同E-mail提示,版面亦會見到利率轉咗,一貫地貼心呀吓!

    點擊圖片放大

生日優惠第二擊就係「Mox推薦共賞計劃」,都唔係第一次出喇!玩法同上次差唔多,推薦第一個朋友有100蚊、第二個有150蚊、如此類推去到第五個就有300蚊,之後就落番每個100蚊。

    點擊圖片放大

而被推薦人如果申請Mox Credit,使用Mox Credit消費滿200蚊就回贈200蚊,好似被推薦仲着數少少喎!

咁呢個優惠難度分絕對係零,真係白賺白不賺……

最後就係「金屬Mox Card大抽獎」,我諗Mox都知大家好鍾意佢張純黑金屬卡,但係一早派晒咯喎,點算好呢?

    點擊圖片放大

𠵱家機會嚟喇飛雲!只要玩頭先提到嘅「Mox推薦共賞計劃」,每成功推薦一次就有一個抽獎機會,每人上限5次,名額1,000人。大家中唔中到呢1,000個名額,就睇大家運氣喇!

 

Mox喺儲蓄、消費、借貸各方面做咗幾多生意呢?,請按【下一頁

 

【文章來源:華田銀行;已獲授權轉載。原題:銀行閑談 (140) — Mox 開業一周年,儲蓄、消費、借貸各方面做咗幾多生意呢?有咩生日優惠值得大家留意呢?未來發展又會係點呢?】

 

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款