一次性手續費 vs 每月手續費 消費分期「一次性手續費」真係着數啲?

個人增值 15:10 2021/09/14

分享:

咁「一次性手續費」點樣令個客容易明白咗成件事呢?

大家可以比較吓以下兩段對話:

對話一:

陳生,呢個60,000元嘅分期個供款方法係咁嘅:

60,000元分12期,每月平息0.4%,所以每月就供番$60,000/12=$5,000本金,再每月加總貸款額嘅0.4%做手續費,即係$60,000x0.4%=$240手續費,所以每月就係供$5,000+$240=$5,240。

總供款額係$5,240x12=$62,880,全期手續費就係$62,880—$60,000=$2,880,陳生有無咩問題?

對話二:

陳生,呢個60,000元嘅分期個供款方法係咁嘅:

60,000元分12期,一次性手續費2,767元,所以第1個月會供$60,000/12=$5,000本金+頭先講嘅$2,767一次性手續費=$7,727,之後第2至12個月就免手續費供番5,000元就可以喇。

總供款額係$60,000+$2,767=$62,767,全期只收一次性手續費2,767元,陳生有無咩問題?

我諗個分野係好明顯的,大家睇吓滙豐呢個例子,小學生都明白條數點嚟喇掛?

    點擊圖片放大

呢個一次性手續費「清楚易明」嘅優勢喺e-banking上面就會更明顯,可以完全一條乘數都唔需要做,可以坦蕩蕩咁一個Table就顯示晒所有價格:

哦,恒生5,000元做6個月分期就收35元,12個月就收70元,明晒!

哦,恒生15,000元同20,000元分6個月都一樣收120元,咁我梗係夾埋齊頭做夠20,000元啦!

    點擊圖片放大

其實「清楚易明」喺網上世界真係好重要,因為Call centre會有個Sales同你唔明解到明,而喺網上呢?個客邊有耐性㗎,睇唔明就搵過第二間㗎啦!啲Drop-off咪就係咁樣嚟㗎囉!

【信用卡提供咁多回贈 銀行條數到底點計得掂呢?按此

「一次性手續費」的最大突破

今篇講咗「一次性手續費」同「每月手續費」有咩分別,我覺得「一次性手續費」最大嘅突破唔在於利用客人對Time value嘅錯覺營造平咗嘅效果(事實上亦有唔少客人唔鍾意第一個月就畀晒手續費的,我就係等錢使嘛,你仲叫我第一個月畀晒!?);「一次性手續費」嘅最大突破係令整個還款時間表變得好容易明白,總之就第一個月畀晒,之後就免手續費每月平分,客人容易明白,銀行亦容易解釋,呢一點喺網上銷售產品嘅時候就顯得尤其重要喇。

要跑e-banking生意嘅各位Bank worker快啲考慮吓加入呢個玩法喇!

 

用一次性手續費可以畀少啲錢?請按【上一頁

 

【文章來源:華田銀行;已獲授權轉載。原題:銀行閑談 (137) — 消費分期「一次性手續費」玩法有咩咁值得各 Bank Worker 參考呢?】

【關於作者】

兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款