【虛擬銀行】Mox消費分期有驚喜 解決咗一個好多人都面對緊嘅問題!

個人增值 14:10 2021/08/31

分享:

申請後翻查記錄先係驚喜點

我好記得我曾經做過一次Focus group,問吓啲用慣消費分期嘅客對敝行最唔滿意嘅地方,其中一個我好深刻、覺得好Valid、但可惜我最後都唔夠Budget做嘅投訴就係:

點解我只可以喺月結單先查到我還到第幾期呢?一開始嗰啲APR、Monthly handling fee點解查唔返嘅呢?

一般銀行處理簽帳分期嘅做法,都係將12,000蚊分12期,每期1,000蚊+手續費每期打落客戶嘅月結單度收錢,感覺就好似大家每個月用信用卡交電話費咁,唯一分別就係月結單嗰行字最後會有個括號,寫番𠵱家係12期入面嘅第幾期,同埋呢期要還幾多錢,例如Watin Telecom — Phone Purchase(3/12),就係咁多喇。

【無比較無傷害 livi PayLater有咩不足之處?:按此

如果個客想查番筆分期嘅利率、商戶、每月手續費等嘅內容,除咗打返上Call centre,係完全無辦法的!

Mox今次就解決咗我呢個多年嘅心願喇!撳番Mox Credit,喺Borrowing下面就會搵返每筆分期嘅明細,要還幾多期、還咗幾多期、最後一期幾時、費用幾多、商戶邊間等等都一清二楚。

    點擊圖片放大

如果我有好多筆分期咁點分清楚呢?嗱,頭先幫筆分期改嘅名「Foodpanda Split!」 𠵱家有作用喇!

雖然我唔係做開UX嘅,不過呢啲各位Bank worker應該記低佢,做AOB(Annual Operating Budget)嗰陣攞嚟賣啦!

值得繼續期待的Mox Credit

今次Mox推出嘅簽帳分期雖然無咩驚天地、泣鬼神嘅功能,但係整體上表現仍然令人滿意:

  • 可以喺購物後立即做到分期;
  • 申請過程流暢;
  • 收費還款期清晰易明;
  • 申請後查閱亦非常方便。

咁都算係解決咗好多傳統銀行喺簽帳分期上面嘅問題(即至少做到一個我當年喺舊鋪無錢做嘅Feature啦!)。

Mox開咗差唔多1年,剛剛宣布咗部分9月會搞嘅慶祝活動,其中「Mox Bonus」就會提供返存款1%利息優惠,同埋話會出番MGM(Member-Get-Member)活動,仲有咩就「敬請期待」喇。

我自己就最期待繼續喺股東生態圈有進一步嘅合作,例如大家見到HKT嘅參與就非常活躍,有旗下藝人做代言、電子錢包合作、「HKT轉帳易」將現有香港電訊嘅信用卡自動轉帳轉去Mox Credit等,連廣告都揀番旗下電訊商門市拍攝,有啲心機架。

Mox「消費分期」同其他虛銀有咩分別?請按【上一頁

 

【文章來源:華田銀行;已獲授權轉載。原題:銀行閑談 (135) — 又一虛銀推消費分期,Mox 今次點樣維持一貫高水準呢?】

【關於作者】

兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

欄名 : 華田銀行

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款