消費分期點解會成為信用卡救兵? 用3間銀行例子話你知

個人增值 18:50 2021/07/27

分享:

有e-banking都唔夠,我要連玩Rewards嘅App都可以做分期!

我講緊HSBC Rewards+,呢個Separate app一直都係整個HSBC香港信用卡業務「Earn & burn」嘅大本營,Earn side提示客戶有乜嘢期間限定、畀客戶登記;Burn side畀客戶換Asia miles、換禮品、換易賞錢、$1 RC當$2使等等,成個App明顯就係Usage Team嘅寶貝,目的係令客人繼續用滙豐嘅卡咯。

但係呢個App有一個格格不入嘅Function,就係無啦啦又可以做「消費分期」喇……

    點擊圖片放大

大家可能笑我太敏感、諗多咗。

大家又諗吓,用純生意嘅角度睇,都係借錢啫係咪?點解唔放現金分期,而要放消費分期呢?現金分期嘅息口未必高啲,但係個金額就一定大啲,點解要取細不取大呢?又或者放吓外滙買賣優惠吖、一百蚊買基金、One click豁免年費都得吖!

都係嗰句,救贖呀……你有做好救贖嘅決心未?

【無比較無傷害 livi PayLater有咩不足之處?:按此

消費分期──未能盡錄嘅工夫

諗返我剛入行嘅年代,消費分期嘅地位比起現金分期真係要低好多,始終消費分期每筆嘅銀碼細,又要客人先簽帳先可以做分期,利潤細,銀行又被動,對比起一嚟就可以Sell個客借十萬八萬,的確係一啲都唔好食嘅。

但如我上一集所講,當銀行慢慢發現消費分期嘅可愛之處之後,默默都做咗好多工夫。除咗以上所講大量增加Entry point,背後仲做多咗好多Event trigger,例如一有大額消費就即刻SMS提大家可以做分期(我諗大家都收過呢啲SMS吧),又加大咗好多Marketing力度,搶佔唔少網頁頭版、e-banking landing page、分期個額夠大又有現金回贈咁,仲有啲銀行開始喺e-banking上面做現金分期x消費分期嘅Cross-selling,都幾進取㗎。

去到最近livi出BNPL,就已經見到佢已經跳過咗信用卡消費呢一步,直接就跳入消費分期嘅世界,世界唔同咗咯。

銀行用咩方法吸引客戶用消費分期服務?請按【上一頁

 

【文章來源:華田銀行;已獲授權轉載。原題:銀行閑談 (132) — 這些年,銀行在「消費分期」上下的功夫】

【關於作者】

兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款