消費分期點解會成為信用卡救兵? 用3間銀行例子話你知

博客 18:50 2021/07/27

分享:

上期專欄就同大家回顧咗近10年嚟信用卡業務嘅跌跌宕宕,同埋「消費分期」呢個咁普通嘅產品如何成為信用卡業務嘅救贖。

未睇就快啲睇返喇!

正正因為係一條救命草,各間銀行喺呢幾年都靜悄悄地下咗好多工夫,我自己都有幸參加過其中一個。以下呢啲改變,有無吸引到你成為其中一個救兵,去幫手拯救疲弱不堪嘅信用卡利息收入呢?

【玩法同Mortgage Link一樣 WeLab私貸GoFlexi 係咪「用得好」同「用得到」?:按此

做分期啫,唔使有e-banking嘅,畀條URL我撳幾個掣就ok啦

早喺2019年的專欄就已經介紹過花旗喺「現金分期」方面下嘅努力,仲點樣令其他Bank worker流晒口水,年年都想同老闆講要攞錢抄以下呢個Function。

大家可以諗返花旗嘅情況,真係有存款戶口嘅人其實唔多,但係喺比例上有卡嘅人卻係唔少(Cash Back、HKTVMall、Octopus我就3張有齊,不過存款戶口……well……有咩着數先?)。

Solo card holder有個好大問題,就係有e-banking嘅比例比有埋戶口嘅客戶要低,但係我又好想佢哋網上做到現金分期喎!咁有咩好方法呢?

答案就係為每一個客戶嘅每一個Campaign都生一條專屬嘅URL,咁客戶收到SMS之後一撳入去就連Login都唔使,我又同時認到個客,個客只需要輸入想要幾多錢,連個名都唔使寫,咁就可以申請到現金分期喇。

當然有呢件神器放咗出嚟,現金分期一路用得幾好,無理由唔放埋畀同部門嘅「消費分期」啦,一樣嘅套路,一樣連e-banking login都唔需要,都真係幾方便架!

    點擊圖片放大

你又有無因為咁樣喺Citi做過Card loan呢?

反正我e-banking客人多的是,我不停增加Entry point就好了

喺Digital sales嘅世界,Product owner會做好多嘅Funnel analysis,睇吓邊個Entry point最吸引到客人,喺成個Sales journey邊個位嘅Drop off最多,落啲乜嘢提示字句又可以留得住客人,點寫句Call for action個Closing rate最高等等。

咁當然「多」好多時都好過「少」嘅,想做多啲生意,唔使雕花嘅,加多啲Entry point漁翁撒網就得啦!大家可以睇吓渣打嘅示範:

    點擊圖片放大

可能大家會話多Entry point又如何,呢啲無咩技術含量啫。啱嘅,呢個值得講唔係因為難度高,而係因為決心大,大家可以諗吓,喺廣告位有限嘅情況下,點解你可以一而再、再而三咁Sell同一個產品呢?

或者你可以Share返一個廣告位畀「現金分期」吖,或者叫個客開多張卡益吓Acquisition Team嘅Bank worker?又或者Sell吓有咩期間優惠益吓Usage Team都可以吖,點解要畀你「消費分期」玩晒呢?

決心咯,其他Credit card team全部讓路,消費分期條數人人有責,Understand?

滙豐點樣推廣消費分期服務?請按【下一頁

 

【文章來源:華田銀行;已獲授權轉載。原題:銀行閑談 (132) — 這些年,銀行在「消費分期」上下的功夫】

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款