【虛擬銀行】港虛銀鬥快上客10萬大賽 冠軍到底有幾霸氣?

博客 16:00 2021/07/13

分享:

【虛擬銀行】港虛銀鬥快上客10萬大賽 冠軍到底有幾霸氣?

上周livi官方宣布,客戶人數突破10萬大關,恭喜恭喜!

最近虛銀都不約而同以10萬客戶作為重要嘅里程碑,咁睇番歷史,livi喺2020年8月12號正式開業,到2021年7月8號,用咗330日即係唔使1年時間就達標,都唔錯啦!

    點擊圖片放大

不過原來330日只足夠成為「香港虛銀上客10萬大賽」第四名,頭三位到底係邊3間呢?冠軍到底又拋離亞軍同季軍幾多呢?一齊同大家數吓啦!

【虛擬銀行和電子錢包有咩分別? 電子錢包有咩限制?:按此

季軍:WeLab Bank快18日力壓livi bank

    點擊圖片放大

WeLab Bank喺2021年6月7號FB公布客戶人數突破10萬大關,由2020年7月30號開業起計,用咗312日,以18日之差壓贏livi成為「香港虛銀上客10萬大賽」第3名!

突破10萬大關之後,WeLab Bank都有幾多Promotion益大家的,大家又有無參加呢?

亞軍:Mox用咗200日多少少就到數喇!

    點擊圖片放大

而Mox就喺2021年4月26號FB客戶人數突破10萬大關,由2020年9月9號開業起計,只係用咗229日客戶人數就已經突破10萬大關,以超過80日嘅差距贏WeLab Bank成為「香港虛銀上客10萬大賽」第2名!

記得Mox喺開業一個半月嗰陣已經宣布客戶人數突破35,000(大家都想搶純黑不鏽鋼卡嘛),加上最近動作多多,又廣告、又Mox Credit、又Flip咁,成為亞軍都係實至名歸喇!

冠軍:ZA用咗188日就搞掂,不過唔止10萬客,而係180,000客呀!

    點擊圖片放大

有關ZA幾時上客10萬嘅資料就搵唔到,反而上到180,000嘅就有噃!

ZA喺2020年9月28號FB公告客戶人數突破180,000大關,由2020年3月24號開業起計,只係用咗188日、即係半年多少少,客戶人數就已經突破180,000大關,即係比Mox用少41日但係仲要多80,000客,未免太誇張了吧!

如果好懶咁用直綫法估算,ZA大概只係用咗104日就已經上到10萬客(而事實好可能比104日更少都未定),對比Mox嘅229日,即係用少一半時間!

而喺今年3月7號開業接近1年嘅時間,ZA就宣布客戶人數已經突破300,000,相對livi同WeLab Bank用同樣時間「只係」上到10萬客,ZA就實在太強太強,繼成為「香港虛銀開業大賽」第1名之後再勇奪「香港虛銀上客10萬大賽」第1名,恭喜晒!

【從虛銀信用卡支付天然優勢 看傳統銀行包袱:按此

其他銀行又點呢?

其他銀行又點呢?「香港虛銀開業大賽」亞軍嘅airStar就未搵到官宣客戶人數,照估應該一早過咗10萬客吧!

翻查新聞,6月時候只係話「天星銀行airstar至今開業一年,開戶累計申請量跟去年6月底比較升近10倍」,咁即係幾多呢?

無Base講倍數又有咩意思呢?加上,咩叫「開戶累計申請量呢」?我呢啲凡夫俗子實在解唔明亦睇唔透啦。

剩低嘅3間銀行Ant Bank、PAOB同Fusion,就未留意到客戶人數突破10萬大關嘅消息喇。

如果用livi作為Benchmark,喺廣告同產品開發都投入唔少嘅情況下,都要用接近1年時間先上到10萬客,咁9月開張嘅Ant Bank同PAOB,同埋12月先開張嘅Fusion,睇怕最快都要今年年尾先有少少機會到達10萬大關喇!

Bank worker們,加油哦!

 

【文章來源:華田銀行;已獲授權轉載。原題:銀行閑談 (130) — 又一虛銀宣佈客戶人數突破100,000大關,「香港虛銀上客100,000大賽」冠軍又有幾霸氣呢?】

【關於作者】
兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版