【虛擬銀行】無比較無傷害 livi PayLater有咩不足之處?

博客 18:47 2021/06/22

分享:

【虛擬銀行】無比較無傷害 livi PayLater有咩不足之處?

隨住各家虛擬銀行(VB)一路推出真正可以搵到錢嘅貸款產品之後,香港嘅8家VB就大概可以分成「分期貸款派」同埋「消費貸款派」2大派系,呢幾個月都寫落唔少文章去分析佢哋嘅優劣之處,其中我大部分都讚(或者半讚半彈啦)喇,除咗呢隻Product,我用咗「伏到震」、「不倫不類」同埋「有違常識」嚟形容佢嘅一啲基本Feature。

【未畀錢先回贈? 分享Mox Credit勁爽用後感:按此

撇除基本Feature,呢隻Buy Now Pay Later都係生不逢時的,因為單比呢個BNPL feature,市場上更好嘅產品已經一早出咗。就喺出咗呢篇文之後,有個Bank worker老友就Drop咗呢個Message畀我:

你篇嘢其實可以比較埋SC呢張Smart Card嘅無限次3個月0息分期,livi真係無比較無傷害……

係吖,真係無比較無傷害啦,而我仲回咗佢一句:

仲有live fresh呢

點解呢隻livi PayLater一同SC Smart Card同DBS Live Fresh一比較,就會變成容易受傷的Product呢?同大家分析吓喇!

第一回合:livi PayLater vs SC Smart Card

首先簡單講吓livi PayLater玩法,本質上係一個畀大家進行「消費分期」嘅私人貸款(唔係信用卡!唔係信用卡!唔係信用卡!重要嘢講三次),實際年利率視乎信貸人信貸狀況而定,最低可以低至4.28%。而3個月分期就最低可以低至3.15%,不過呢個「最低」,實際攞到乜嘢Rate就好睇大家信貸情況喇。

咁𠵱家新推出就好似抽iBond咁玩緊N免優惠,不過由於係限時嘅玩法,唔係基本Product feature,我呢度就唔多提喇。

咁SC Smart Card又點玩呢?畀張圖大家睇吓:

任何零售簽帳金額≥500元,3個月0息分期

夠了吧,難怪Bank worker老友會講一句:「你篇嘢其實可以比較埋SC呢張Smart Card嘅無限次3個月0息分期,livi真係無比較無傷害……」

【Mox首推信用卡Mox Credit 申請速度及流暢度成亮點:按此

係吖,呢個都係「全年優惠」,即係可以算做係Card feature喇。

不過公道啲,其實就唔完全係0成本嘅,因為SC會每180元扣大家1元現金回贈嘅,即係都一樣有成本,我不負責地搵Excel計過大概折合實際年利率係3.4%左右,咁同livi PayLater 3個月嘅最低年利率差唔多啦。

咁又再公道啲,livi PayLater係一畀錢嗰吓就肯定可以分期,至於SC Smart Card呢?理論上銀行係可以Reject呢個分期申請的,不過機會就當然非常微啦,一因為無理由有錢唔賺、二因為你唔簽都簽咗咯,要唔還嘅又何需要分期呢?

咁考慮呢個有可能唔批分期嘅因素,第一回合算係打成平手,Super啦!

livi PayLater、DBS Live Fresh Card大比併,請按【下一頁

 

【文章來源:華田銀行;已獲授權轉載。原題:銀行閑談 (128) — 無比較無傷害之再談 livi PayLater】

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版