【職場奇聞】遇交通意外返工遲到 阿姐唔體諒 仲要求再預多啲時間返工?

個人增值 16:56 2021/06/03

分享:

打工仔準時返工是基本,不過喺香港,準時返工係基本但準時收工就可能唔係基本嘞,呢啲「不平等條約」唔知有無廢除嘅一日?不過雖然準時係基本,但係撞正意外遲到都唔係打工仔想嘅,近日有網民於社交平台發文,表示因為交通事故引致返工遲大到,不過阿姐並沒有體諒,反而叫佢以後預更多時間返工。作為打工仔,你可能都會同事主一樣,心裡頭反駁一句:「不如喺公司瞓好唔好?」。

【改變「人工包受氣」思維 解鎖新技能 人力顧問孫立民:要學懂放下: 按此

時代進步 遲到不一定影響工作

到底返工遲到有幾大程度係可以原諒呢?以前資訊同溝通方法唔發達,返工遲到就好大機會影響到客戶同埋同事,影響到公司營運就大件事;而若你的工作是輪班制,如護士醫生等,可能需要工作交接,遲到的話又真係會影響到同事同工作。不過,若然你的工作是辦公室文職的一類,再加上現時時代轉變,有網絡的年代,即使再急的email也可以遙距回覆,有打工仔甚至乎放緊假都係開緊工,如果話現世代返份Office工遲到會影響工作進度,這一點的確值得商榷。

網民對於返工遲到一事亦反應兩極,有人認為返工準時是尊重合約精神;遲15分鐘可以理解,有時地鐵故障或是行得慢,或快兩步都有影響;若因交通事故這類突發事件,作為上司應該要諒解,畢竟我們不是機械人,有靈活彈性是應該的;若該同事當日有緊急的會需要開,他則應該要預早更多出門,預防有突發事。不然的話,其實意外就是意料之外,若每天都要預備「意外」,精神壓力肯定快崩潰。

■人哋公司又點睇因為交通意外遲到呢件事呢?■

    點擊圖片放大
    +5
    +4

責任編輯:陳玉蓮

=====

緊貼最精準、最快的財經新聞資訊,立即免費下載使用【按此

緊貼財經時事新聞分析,讚好hket Facebook 專版