【理財個案】年輕夫婦想生B月儲近3萬 造年息5厘定存還是加注潛力股?

博客 17:57 2021/05/27

分享:

【理財個案】年輕夫婦計劃生育月儲近3萬 敍造年息5厘定存或加注潛力股?

「養大一個BB要400萬元」這句經典廣告台詞,令不少夫婦驚覺生育要有充分準備及計劃。有讀者將近30歲,打算為生育計劃儲蓄,夫婦兩人每月可儲蓄近3萬元,他正煩惱應敍造年息5厘定存,或加注持倉的潛力股。看看龔成是如何回答。

讀者:

你好,本人現在將近30歲,已婚,二人月入約8萬元,2年幾前購入一個單位自住月供約1.8萬元,扣除其他必要開支,兩人約可儲蓄2.5萬至3萬元。

現在港股持倉約50萬元,其中約一半為較高潛力股票:

中國生物製藥 (01177)
比亞迪 (01211)
小米 (01810)
京東集團 (09618)
阿里巴巴 (09988)

 

其他則為比較穩定嘅藍籌股,另外約有90萬元做緊定期有5%年利率。

【退休籌劃每月4萬被動收入 教你500萬元退休金如何分配:按此

想請教幾個問題:

1. 每月可以儲起嗰筆錢會否建議全數投資落股票?

2. 因為定期已經有穩定利息,會否建議再增加潛力股之持倉百分比?有否推薦購入哪隻股票?

3. 如果將來制定生育儲蓄計劃,應如何作出改變?

4. 比亞迪曾經於260元落過車,後來因自覺落錯車於約240元重新上車,雖然覺得此舉似乎做錯,但現在是否應選擇繼續持有?而在來年應否再增注?

5. 如果預計未來人工不會大增而又需要繼續供樓情況下,40歲能否達至財務自由?

6. 如果未來想再買樓投資有無推薦?

【兒子冀赴英留學 夫婦應動用100萬元退休儲備支持嗎?:按此

龔成︰

1.現時只係合理區。每月一半月供,一半儲起等機會,咁會較好。

2. 定期有5%,要睇你是外幣、港元、還是有特別限制或條件,如果港元有5%年利率這是有吸引力的,部分資金存於這裡可以。但相較恒指及其他優質股平均年增長8%至10%都係少,對需要財富增值年齡的你,唔係咁合適,因此都唔會太多。

長綫計,你應將定期資金,慢慢投入有增長力嘅優質股,咁會較有效率。

3. 你可以照月供先,到你生育時候,才按實際情況,調整月供投入金額。

4. 記住唔好估走勢,你以為佢見頂,想先沽貨,平啲再入返。但最終佢機會係一直升,令你進退失據。比亞迪 (01211) 有很高質素,現貨可持有。至於入貨,現價明顯偏貴,最好等到120元左右才出手。

5. 財務自由,每個人定義都好唔同。有人想退休後,年年去幾次旅行。有人想平淡咁過生活,所以這個好睇你個人。

簡單咁講,以恒指過去年平均回報10%計(連股息再投資),你每月投資25,000元 + 現有投資和資金(共140萬元),10年後大約會增值至800萬元。

若你將這筆資金,投入收息資產,以5%計,每月可為你產出3.3萬元現金流,去支持從工作退下來日常生活開銷。

6. 除咗鄰近商區地段,好似中環、東九。你都可以留意一些潛力較高地區,好似堅尼地城、大圍、黃竹坑等。

【本文獲作者龔成授權轉載】

撰文 : 龔成

欄名 : 80後百萬富翁

緊貼財經時事新聞分析,讚好hket Facebook 專版