【理財個案】33歲夫妻計劃再置業 30萬元建收息股組合

博客 16:34 2021/05/13

分享:

【理財個案】33歲夫妻計劃再置業 如何善用30萬元資金建收息組合?

購買自住物業後,如有經濟能力,不少人都會計劃買另一個物業,期望可透過收租製造被動收入。有讀者家庭收入約34,000元,有70萬元現金儲蓄,擁有一個尚未供斷的自住物業,現時有意與丈夫計劃再置業,應如何部署?看看龔成是如何回答。

讀者:

我今年33歲,已結婚,先生與我同齡,有一名3歲女兒,收入大約17,000元,先生收入都係一樣。

早兩年買咗樓,40年樓齡的細兩房單位自住,儲蓄和先生一共有70萬元左右,唔識投資股票,現金放喺銀行的高息戶口,每月約有700元利息收入。

另外有一份儲蓄保險已供滿可拎22萬元,唔拎都可以繼續滾存利息。仲有一份供緊嘅儲蓄保險,餘10年期,到期可拎20萬元左右。

負債方面,仲有268萬元樓按,自住樓大約值380至400萬元。支出方面,供樓是H按,暫時每月是10,000元,家中有請工人姐姐,每月大約是4,700元,先生一般支出是3,000元,自己大約是2,000元,家庭開支是4,000元,另外保險各樣加起大來大約3,500元,每月大約有6,000至7,000元可儲蓄。

【股息率4厘 股價夠平穩 兩隻本地薑啱唔啱你口味?:按此

  • 家庭收入:約34,000元
  • 開支:27,200元
  • 儲蓄:每月約6,000元
  • 現金儲蓄:70萬元
  • 儲蓄保險:價值約42萬元
  • 未償還按揭:268萬元

【建構穩陣收息組合 4隻公用股畀你參考:按此

本人與先生都有同一想法,多買一層樓收租,退休後可每月有糧出,達到財務更自由。

1. 請問我們應否先將現有70萬還比銀行減低負債,再慢慢儲返一筆錢再置業?

2. 如果我唔將錢放銀行,有甚麼低風險的投資是適合本人呢類完全唔識投資的人?因為就算放在銀行高息戶口大約都是年利率1.2%至1.4%左右,會不會有更好的投資方式以獲取更佳的回報?

龔成:

1. 以現時的收入及現金情況,暫時唔建議太急買第2層樓。你可以視這個為方向,但就唔好太急去行這一步,因為比較進取。等日後有足夠的資金先進行。

至於銀行的70萬元,其實唔需要太急還錢,因為現時利息低。相對還錢,不如將錢投資,只要能爭取到比按揭更高的回報,策略就成功。

2. 以你哋的年齡,其實可投資平穩增長股,不過如果你哋目標收息,可以投資收息股,風險會低啲(當然,投資,就點都會有風險)。

你可以用30萬元,建立一個收息股的組合,目標是5%、6%的股息率的收息股,投資時要分注。例如:

港燈 (02638)
深高速 (00548)
香港電訊 (06823)
工行 (01398)
恒生 (00011)
置富產業信託 (00778)
陽光房地產基金 (00435)
高股息率基金 (03110)

同時,增加股票知識,之後先再動用餘下的資金。

你這刻要盡力儲蓄、投資,到滾存至一定資金,到時先考慮投資第2層物業。

【本文獲作者龔成授權轉載】

撰文 : 龔成

欄名 : 80後百萬富翁

緊貼財經時事新聞分析,讚好hket Facebook 專版