DBS新卡網上簽帳自選回贈5% 邊間銀行先係自選回贈始祖?

博客 13:19 2021/04/20

分享:

DBS新卡網上簽帳自選回贈5% 邊間銀行先係自選回贈始祖?

我諗2021年第一季最受關注嘅2張新用卡,除咗渣打Smart Card信用卡之外,就要數到星展(DBS)嘅Live Fresh信用卡。

【實測Citibank Plus戶口服務 4大賣點全屬舊酒新瓶?:按此

DBS Live Fresh信用卡2大Card Feature

DBS Live Fresh信用卡有2大Card Feature,第一點就係玩返DBS自己玩咗好耐嘅Flexi Payment,包括旅遊及海外簽帳交易同埋網購特長90日還款期(𠵱家有個Fancy term叫Buy Now Pay Later,其實用信卡唔係一向都係Buy Now Pay Later嘅咩?),同埋無獨有偶、今期渣打都大做嘅免息分期,不過當渣打玩緊無上限3個月分期,DBS就玩緊頭半年10次6個月分期喇。

    點擊圖片放大

至於第2個Card Feature就係玩自選5%現金回贈類別,總共有7大類:網上外幣簽帳、網上旅遊商戶簽帳、網上超市簽帳、網上餐飲簽帳、網上娛樂簽帳、網上服飾簽帳、網上慈善捐獻。

即係話清一色係「網上簽帳」,至於每個Category有咩實際商戶,由於我無收錢啦,所以就麻煩自己查清楚T&C喇。

似曾相識的「自選回贈」

唔係想幫DBS賣廣告,係想問吓大家有無覺得呢種「自選回贈」嘅玩法有啲似曾相識,係喇係喇,滙豐就玩咗好多年嘅「最紅自主獎賞」就係呢種玩法,原來不經不覺已經玩咗10年,最近仲出咗10倍獎賞,即係最高可以用Visa Signature Card食飯做到14倍=5.6%回贈,都幾勁㗎。

    點擊圖片放大

不過今日都唔係想講滙豐,因為以華田嘅認知呢,滙豐原來都唔係最早喺香港玩呢種「自選回贈」嘅第一人。「最紅自主獎賞」喺2011年面世,但係香港有一間銀行喺2009年就已經玩緊,係邊間呢?唔知大家有無用過呢張卡,我以前就有一張喇!

呢張卡係大新銀行嘅「我至愛商戶」信用卡,可以話係大新少有非公仔、非聯營嘅自家信用卡,都真係可以話係歷史悠久㗎,右上角仲有已經無咗好多年嘅「豐明銀行」Logo𠻹。

【Livi 行「支付優先」是正確一步 可惜細節卻成為敗筆?:按此

可能大家會話:我唔覺眼大新有得申請喎,係吖,因為喺2013年已經收咗檔無再出,之後再Force convert埋Existing cardholders,張卡就從此消失了。

咁叫得「我至愛商戶」,大家就估到入面有一啲「自選」嘅元素喺入面,不過佢就唔似滙豐DBS咁揀「類別」,而係直接揀「商戶」。

玩法係大家先喺第一個月喺商戶A簽帳,第二個月開始商戶A就會出現喺大家e-banking checklist入面,大家就可以揀選商戶A,咁之後商戶A嘅簽帳就有10倍回贈,即係5%喇。

    點擊圖片放大

咁5%都唔係好多啫!

大家首先要返返去2009年嘅時空,當大家𠵱家慣晒Red Card網購4%、Livi網購8%、周柏豪卡劃一1.5%回贈嘅時候,想提提大家Red Card係2019年尾、Livi MasterCard係2021年初、周柏豪卡係2017年中出世嘅產品,2009年信用卡有5%回贈係好多㗎喇!

有意思的「自選回贈」

其實呢張卡真係幾有意思㗎,因為佢開創咗一種新法玩,優惠唔再係銀行主動同商戶合作傾返嚟(例如恒生同怡和、花旗同hktvmall、銀行同各大小餐廳等等),客戶可以自由選擇可能同銀行根本無關係嘅商戶。

大家可以諗吓,當大家喺滙豐揀「賞滋味」嘅時候,唔通滙豐又同全香港所有餐廳都有合作咩,唔會喇!

至於點解呢張卡玩咗4年幾就無玩呢?我諗又放返去2013年嘅時空啦,當2017年渣打率先玩1.5%回贈已經係接近割喉之際,2013年玩長期5%回贈的確好難頂。當然玩法複雜都係死症,玩法愈複雜,能夠玩嘅人就愈精靈,咁銀行博佢哋用盡咗回贈後仍然繼續碌,甚至唔記得還錢要罰息嘅機會就更低,咁銀行就更難賺錢啦。

小銀行嚟到2021年只會愈來愈難做,Too Big to Fail早已變成Too Small to Succeed啦。

 

【文章來源:華田銀行;已獲授權轉載。原題:銀行閑談 (119) — 從 DBS Live Fresh 到 DSB 我至愛商戶 談「自選回贈」】

【關於作者】

兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版