【理財個案】30歲靠月供股票累積100萬元 冀45歲享財務自由 應月供哪些潛力股?

博客 12:41 2021/03/18

分享:

【理財個案】30歲靠月供股票累積100萬元 冀45歲享財務自由 應月供哪些潛力股?

有讀者與另一半一直有月供股票的習慣,30歲時已達成擁100萬元資產的目標。他期望可於45歲時享有財務自由,現時月供股票的組合應如何調整?應投資哪些潛力股,邁向財務自由的目標?看看龔成是如何回答。

【40多歲計劃用80萬元投資 冀年回報達10%有可能嗎?:按此

讀者:

你好,龔Sir,多謝你過往分享咗咁多有用投資資訊畀我哋。你令我哋2個都同樣喺30歲前就有100萬元資產!我目標係45歲前財務自由!

而我一直都有留意你回應網民月供嘅股票選項,我亦都月供咗2年半股票,組合如下:

盈富基金 (02800)
煤氣 (00003)
比亞迪 (01211)
領展 (00823)

但出現咗以下情況想請教下你:

1. 因為比亞迪𠵱家太貴,都知道120元以下先合理供,所以我想停下。另外我想供阿里巴巴 (09988) ,想請教下你長遠點睇?因為見你好似比較少建議人供阿里巴巴。

2. 我今年30歲,想進取少少加啲潛力股,請問可以建議有質素潛力股作月供嗎?

3. 我一直有供煤氣 (00003) ,但最近見佢跌得好多,好似升唔起,但同時我又諗𠵱家襯低,係唔係應該繼續月供呢?但同時我都諗定係緊轉供恒地 (00012) ,會唔會更理想?因為恒地有埋煤氣股份,同時又係地產股,好似範圍比較大,感覺比較全面,請問你覺得點?

【39歲夫婦疫情下收入大減 擁150萬元積蓄應如何部署買樓?:按此

龔成︰

太好了,先恭喜你地完成了100萬元目標,之後要保持知識與財富進步!

1. 我現在都有建議人月供阿里巴巴,佢近期面對內地監管可能收緊,風險度增加咗。早前螞蟻金服因貸款業務問題被叫停上市。中央就是擔心這些小型信貸增長過快,但監管又未及銀行嚴緊,會危害實體經濟。

但內地唔係想佢唔賺錢,只係想規管佢。由於佢本身已建立一個完善的業務,因此本身是無得輸,只是賺多賺少問題。此股質素依然存在,但你預佢增長力會弱咗,用來做月供係無問題。

2. 以下潛力股,都可以用來做月供。

潛力股︰安碩恒生科技 (03067) 、阿里 (09988) 、騰訊 (00700) 、港交所 (00388) 、舜宇光學 (02382) 、小米 (01810) 、中生製藥 (01177) 、福壽園 (01448)

3. 其實轉恒地都可以,但由於你月供已有領展這隻地產股,咁會令組合有少少偏向係地產類。

其實煤氣仍是有質素的股票,但增長力弱咗,而佢改為20送1,反映增長力可能減少,但不算差。香港業務不強,但中國部分不差,中短期雖然較一般,但見佢的長遠發展力仍在,但就要耐心點。

由於佢一向都穩定派「相同股息」,在這情況下,反映派息的增長會少咗。但整體來說,這企業仍是有質素的。我睇返佢近年在中國的投資,仍是保持進行的,每年都有幾十億元人民幣,這些投資不會好快就見到收成,但這企業就仍是發展中。我對佢長遠發展仍是正面,只是增長力的問題。用佢做月供目標,依然可以。

【本文獲作者龔成授權轉載】

======

立即選股,參加抽獎,贏取總值超過HK$10萬獎品!

撰文 : 龔成

欄名 : 80後百萬富翁

緊貼財經時事新聞分析,讚好hket Facebook 專版