【虛擬銀行】虛銀eDDA戰 邊間虛銀支援最多銀行eDDA服務呢?

個人增值 18:59 2021/03/16

分享:

【虛擬銀行】虛銀eDDA戰 邊間虛銀支援最多銀行eDDA服務呢?

邊間傳統銀行最唔受虛銀歡迎呢?

咁邊間銀行最唔受一眾虛銀歡迎呢?睇番上面個表,排名最低嘅呢就係工商、大新同埋花旗,各自都只有一間虛銀支援eDDA服務。

呢個都有少少有趣的,MOX同ZA本身都有連接大新,不過最近就將佢首先裁走咗;工商本身就係Fusion股東,𠵱家就剩係得番親生仔可以用喇;而花旗就仲得意,佢係無被MOX、WeLab同ZA分手的,因為本來就無on list嘛!

【50萬元資金靈活配置 教你虛銀活期點樣賺多$1700息:按此

點解無連接呢?花旗都相當多人用嗰喎。江湖傳聞就係用eDDA連接花旗係一件相當麻煩嘅事,因為聽聞佢database入面個名同大家身份證係唔多對的,例如無啦啦多咗個Mr/Ms,或者Chan Siu Ming Peter就唔知點解剩係入咗Peter Chan等等,我都唔知有幾真,或者要等高層們自己出嚟回應喇。

但係其實工商、大新同埋花旗都唔係最衰,我就數到表上面有3間都唔難喺街邊見到嘅傳統銀行係完全無on list嘅!

中信國際、工商銀行、建設銀行、中國銀行、交通銀行、創興銀行、南洋商業、大新銀行、大眾銀行、恒生銀行、招商永隆、星展銀行、東亞銀行、渣打銀行、集友銀行、滙豐銀行、花旗銀行

仲有邊3間剩呢?

答案就係上海商業、華僑永亨同富邦銀行喇!後者都好容易明啦,分行都無幾多間,用嘅人又少,成本考慮之下都合情合理嘅。

上商就都有唔少分行,而ZA就本來有連接上商嘅,不過最近都say咗goodbye喇,細銀行都咁有志氣,唔錯吖!

至於永亨,我都唔太識comment,或者客量比永隆創興仲要少所以無虛銀對佢有興趣?定係純綷巧合呢,呢個就留畀大家一齊諗吓喇。

一點點預測

我諗虛銀喺坐擁龐大存款而苦無出路嘅情況下,佢哋都唔會太介意存款自然流失些少嘅風險。嘅然「拉錢」行唔通,唯有努力做好「推錢」呢個動作,諗吓點樣可以喺FPS Addressing上面將自己轉做default bank仲好啦。

又或者再退後一步諗,一眾虛銀到底係咪一定需要成為大家嘅main bank先搵到錢呢?其實都真係未必的,我估香港無幾多人攞大新上商永隆永亨做main bank,佢哋喺pre-FPS同post-FPS era都仲好好哋生存緊,所以話做細行is no shame的,努力做好product先係生存之道吧。

邊間虛銀支援最多銀行eDDA服務呢?,請按【上一頁

 

【文章來源:華田銀行;已獲授權轉載。原題:銀行閑談 (114) — 虛銀 e-DDA 戰,邊間傳統銀行最無朋友呢?】

【關於作者】

兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版