【虛擬銀行】虛銀eDDA戰 邊間虛銀支援最多銀行eDDA服務呢?

博客 18:59 2021/03/16

分享:

【虛擬銀行】虛銀eDDA戰 邊間虛銀支援最多銀行eDDA服務呢?

我諗成個2月尾3月頭,銀行界最關心就係一眾虛銀減息/優惠利息存款上限,仲有就係eDDA真係太貴頂唔住,要狠心向傳統銀行說不呢2件事。

今日先講eDDA吧。首先又攞番件舊事嚟講,早喺上年專欄嗰陣已經列過5大原因,力陳eDDA將會係一眾虛銀嘅咽喉之處,如果一眾傳統銀行齊心加價的話,一眾虛銀將會好難好難受。唔記得咗邊5大原因,就快啲去睇番喇!

【存入50萬一年邊間虛銀仍有3,000元利息? 比較8大虛銀活期存款利率:按此

講完舊事又講番新事,呢個eDDA戰其實都發酵咗好耐,市場傳出銀行公會虛銀小組召集人Livi已經喺小組會嘈過好多次,不過官大人一路都話呢個係商業決定唔會理亦唔想理,直至上年12月MOX亮出第一劍,然後就輪到2月WeLab同ZA相應跟隨,宣布正式反枱唔玩喇!

邊間虛銀仍然支援最多銀行eDDA服務呢?

咁反枱還反枱,你收得平或者大家係friend咯,咁大家咪繼續好嚟好去咯,咁直到今日2021年3月3號,邊間虛銀支援最多銀行eDDA服務呢?

首先個答案就一定唔係AirStar、PAOB同Ant,因為佢哋到咗今日都無搞eDDA,要入錢哦?一定要喺對手銀行主動送出先得,都幾麻煩的。咁當然我唔會懷疑呢個係商業策略啦,我就係唔想咁方便,就係唔想咁多存款,可唔可以?

咁剩係嗰5間想吸存款嘅銀行又點呢?我月初出咗個投票考吓網友眼光,結果就大家一致認為最鍾意做壞規矩嘅ZA應該勝出,其實佢都做得唔差,總共支援12間銀行,與Fusion一齊平排第2,向後數仲有WeLab(9間)同埋MOX(8間)。

排第二嘅係最後Public Launch嘅Fusion,有12間支援eDDA嘅銀行,排第一名就係虛銀小組召集人Livi,足足有14間咁多(其實都幾多㗎,大家有無信心一口氣隨便講到14間銀行呢?)。

大家睇番Distribution都幾有趣的。首先就係各虛銀取態相當唔一致,除咗中銀同渣打以外,無任何一間銀行係以上5間虛銀都可以連結嘅。而就算最近被ZA同WeLab分手嘅建行,首先亮劍嘅MOX就仲有同建行做朋友的。

不過,大家唔好以為虛銀之間一定好friend,Fusion就一間虛銀都無連接,係好幫得手呀吓!

邊間傳統銀行最唔受虛銀歡迎呢?,請按【下一頁

 

【文章來源:華田銀行;已獲授權轉載。原題:銀行閑談 (114) — 虛銀 e-DDA 戰,邊間傳統銀行最無朋友呢?】

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版