2020銀行界十大大事回顧

博客 13:16 2021/01/05

分享:

2020銀行界十大大事回顧(上)

2020年是香港銀行界的大事年,因為千呼萬喚的虛擬銀行陸續推出,「銀行閑談」彷彿也變了「虛擬銀行閑談」似的。華田聽說哦,最近某虛銀高層回議中,還在說我是「VB界KOL」,過獎喇,我的真正身份是「銀行界KOL」喇,甚麼時候只局限在VB喇!

好喇,踏入2021年,不如一起盤點一下2020年華田專業推介「十大香港銀行大事」,有多少件你記得呢?

1. 滙豐突破青姐價,銀行真難做吖

華田真的很少說股票,但滙豐跌破青姐價,又怎麼能不說一下呢。

當一眾股票無視疫情嚴峻,在下半年迅速反彈之際,滙豐仍然繼續尋底,9月更曾經失守28元世紀供股價,買落一堆嘅就真係生不如死喇。

冷漠點說,世上最聰明的莫過於「錢」,唯獨滙豐仍然斯人獨憔悴,大家就可以知道「銀行」經營有多困難了。

2. 8間VB陸續開張,頭尾相差差不多9個月!

千呼萬喚的VB終於在2020年出台,ZA、AirStar、WeLab、Livi、MOX、PAOB、ANT、Fusion陸續出場,用最早ZA的開業日子3月24日同Fusion的12月21號比較,差不多相差了9個月時間!

愈晚出台、服務愈多嗎?非也,暫時產品最齊全的要數上最早開業的ZA和AirStar,還有最晚出台的Fusion了。

至於中間出台的幾間呢,華田只能說服務真的少得可憐,甚至讓我有嘖嘖稱奇的感覺呢。

【邊間虛擬銀行服務最吸引?7間虛擬銀行服務比併︰按此

3. WFH = Work From Hill之行山銀行篇

WFH = Work From Hill(行山銀行2020)

我想整件事情大家都還記憶猶新,整件事情華田的感想只有一個,抄一下銀行閑談(77) — 行山銀行、WFH與藍血MT當時的感想:

其實我都戥行山銀行管理層唔抵,喺華田有接觸嘅咁多間銀行之中,HSBC Group旗下嘅兩大銀行嘅work from home infrastructure係最齊嘅,citrix remote access、VC、webex(用嚟開會share screen)、sharepoint等等嘅工具一應俱全。最近有個做settlement嘅老友forward咗對家某間細銀行嘅auto-reply e-mail畀我睇(我諗佢有好多inter-bank transaction要做掛),隻e-mail係咁樣寫嘅:「Thank you for your e-mail. I am currently working from home and have no access to e-mail. Please contact my supervisor Chan Siu Ming …」

Work from home但係e-mail都上唔到,咁即係rest at home啫。咁所以你話,行山銀行用咗咁多錢,令到成間銀行都可以由農曆年到而家都可以work from home,但係你班blue blood書又唔讀、嘢又唔做、連rest at home都唔願意,係要work from hill嘅,係咪好抵死先……

4. WeLab自製壓力測試之存款小巴大炒車!

WeLab為了吸客推出9.8%快閃定期存款,哄動全城。優惠一早在Facebook公布,便引來無數客戶短時間登入APP爭上只有50個位的存款小巴,結果呢?當然便是死機,連基本服務都不能提供了。

老實說,在WeLab之後上綫的一眾VB真是要「好好感謝」WeLab,江湖傳聞是官大人氣得人仰馬翻,除了要求WeLab好好解釋這件事情及如何防止再犯,更連坐一眾VB要做好壓力測試方能上綫,我真係多謝你呀!

【WeLab 9.8厘快閃小巴活動「炒車」 若成功屬低成本高回報之作?︰按此

5. VB eDDA戰愈打愈烈,VB會齊心向滙豐說不嗎?

早在6月的時候,華田已經說滙豐向一眾VB徵收懲罰性eDDA手續費,將會有效壓垮一眾VB。

金管同銀公都表示這是「商業決定」,決不插手干預,然後市場傳出Livi作為在銀公虛銀小組組長,多次向滙豐發難要求減價,最後滙豐決定推出分級收費,但最高Tier收費仍高達2%之多,打二還一兇悍之勢仍在呢。

首先在2020年揭竿起義的是渣打系的MOX ,宣布剔除滙豐、恒生、中銀香港及大新4家銀行的服務,是真的受不了它們,還是只是一場代理人戰,大家要拭目以待了。

【滙豐大戰虛擬銀行 出動「邪惡」的第三擊︰按此

 

2020銀行界十大大事回顧(下),請按【下一頁

 

【文章來源:華田銀行;已獲授權轉載。原題:銀行閑談 (104) — 2020 銀行界十大大事回顧 (上)】

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版