【理財個案】夫婦轉按自住樓手持$650萬現金 買多一間樓收租還是買股收息?

博客 12:59 2020/12/04

分享:

【理財個案】夫婦轉按自住樓手持$650萬現金 買多一間樓收租還是買股收息?

前言︰近年在超低利率環境下,吸引不少投資者會加按自住樓,套現更多現金,計劃另作投資用途。有讀者加按自住樓後,套現後的現金,應該買樓收租還是買股收息呢?看看龔成是如何回答。

讀者:

由於老公退休在即,不能不正視被動性收入嘅重要性。故此最近我名下嘅自住樓做咗轉按,所以手頭上多咗330萬元現金,不過按揭額就加大到500萬元了,月供1.85萬元。加上本身有儲蓄,現共有650萬元現金,股票約60萬元,仲有少少外幣如英鎊及澳元。

計劃買多一層樓投資收租,由於𠵱家樓價好高,未有心水,加上用老公嘅名買樓做按揭只可借到150萬元左右,只能負擔650萬元樓下嘅私樓,期望回報大約3%左右。

仔仔有份教育基金明年可以取回,約有15萬元左右,未有方向點處理,繼續放喺保險公司有約3.5%利息。

想請教一下,買樓投資我信心比較大,萬一樓巿跌,都可將來留畀仔女自住(仍然覺得磚頭比較有保障)。如果用同一筆錢全數買股收息,我未有信心。

不過,由於老公5年後到達退休年齡,想為佢製造現金流,故此考慮買層樓畀佢收租。我本人仲有16年先退休,家庭收入共7.5萬元,每月支出大約4萬元,其餘會儲起。

又想買股收息,一直考慮月供股票,但遲遲未動身。本身持有︰

大部分都係蝕緊錢,唔捨得蝕放。

問題:

一、如果買樓,我會用550萬元現金,留起100萬元做後備,收租回報預計3%,應約有1.5萬元至2萬元租金收入。跟住加月供股票,計劃月供盈富基金 (02800) 、中銀香港 (02388) ,希望長期收股息。

二、唔買樓住,將其中100萬元做高息定期,預期2%回報。250萬元放係按揭戶口賺高息約2.15%。留低300萬元現金等跌巿入平貨,無論樓巿或股票有機會就入貨。

三、手頭上嘅股票唔識點處理,中國移動 (00941) 及中國人壽 (02628) 等咗好耐都上唔返入手價,應否止蝕換貨?

最終希望可以製造3萬元現金流,唔知呢個方向正確嗎?

個案重點:

  • 5年後退休
  • 現金有650萬元
  • 家庭月入7.5萬元

重點目標:

  • 想為退休制造現金流
  • 不知應否買多一層樓
  • 手上股票如何處理

龔成分析:

明白你想集中投資物業,可能你認為樓較穩陣,但只要你明白「股票就是企業」,你找穩健的企業就可,因此收息股都可以好穩健。

同埋,你哋太集中在物業類資產,其實會面對單一資產風險,反而分散在不同的資產類別,建立一個平衡的組合。對你的財富反而仲穩健。

一、如果買樓,建議金額不要太大,留下多些現金做儲備,以及可投資其他類別的資產項目。

二、我比較建議不要心急買樓,雖然買樓都是方向,但這刻最好先投資收息股,建立一個收息股的組合,你多學習股票、收息股,明白更多後,就會更有信心。當然,在有知識先前,你先做定期是可以的。

因為這刻物業回報率較低,而股票的回報比物業高,因此,這刻先投資股票,等股票增值,同時物業市場回落時,就可以賣出股票,轉投入資金到物業,這策略是較好的。

三、你可能在貴的價位買入,但這兩股都是有質素的,你暫時持有先,這些股有得守的,但就要有耐性。

你以現金流3萬元作方向是正確的,但應建立一個更好的組合。距離你先生退休仲有5年,你應該把握這段時間好好學習不同的投資工具,同埋有效分配好財富。

我哋投資,並不是炒賣,是一個長期分配的過程,同時着重資產的長期增值,以及現金流。

 

【本文獲作者龔成授權轉載,原文題為:理財個案--轉按現金打造退休組合】

======

編按︰前言由編輯加上

撰文 : 龔成

欄名 : 80後百萬富翁

緊貼財經時事新聞分析,讚好hket Facebook 專版