【虛擬銀行】虛銀IT基建甩漏同你數 WeLab存款小巴有咩問題?

博客 14:09 2020/11/17

分享:

【虛擬銀行】虛銀IT基建甩漏同你數 WeLab存款小巴有咩問題?

我成日都話,好多間VB其實好多IT Infrastructure都係非常唔Ready,咁當然有好多嘢都係背後操作,一般市民其實未必好覺,不過一講到Marketing offer同埋派起錢上嚟,你就會發覺得係非常「論盡」,可以一反一眾Work banker對銀行服務「最低門檻」嘅認知。其實間間啲IT Infra都有少少甩漏,今次就先同大家講WeLab。

【WeLab Bank 9.8厘快閃小巴活動「炒車」 若成功屬低成本高回報之作?:按此

WeLab架存款小巴出咗咩問題呢?

嗱嗱嗱,唔係講緊嗰架上爆咗人嘅快閃小巴,而係開舖無耐嗰「加3厘」存款小巴哦!咁好多人同華田一樣都喺7月尾8月頭上咗車,3個月好快就過咗,落車嗰吓先發現有問題。

呢條應該比較簡單嘅,大家睇唔睇到個問題位喺邊呢?

我諗都真係唔難答,就係嗰行灰色細字:「額外利息獎勵將會係到期日6至8個星期內轉入你嘅核心帳戶」

定期存款都玩Fulfillment的2大錯處

咁大家會話呢啲Fulfillment嘅玩法,信用卡有大量啦,有咩咁特別呢?大家要明白,信用卡嗰啲係Spending rewards,今次玩豐澤、下次玩惠康、再下次就玩食飯,次次玩法唔同,Logic又複雜,起一個System玩Auto fulfillment的確唔划算。

不過呢次係玩「加息券」喎!架快閃小巴人踩人之後,已經即刻出多咗一次4.5%新客上車優惠,大家估仲會唔會有下一次呢?仲有個Logic都唔複雜,隔籬VB一出就做到,你好心都做咗佢啦。

【Mox「日日派息」真係着數啲?可以收多幾多利息?︰按此

不過呢個都唔係最大問題,最大錯處係「定期存款」同「信用卡消費回贈」最大不同之處,就係「定期存款」係一個「Super time sensitive」嘅產品而「信用卡消費回贈」唔係。

舉個例子:如果銀行A應承你消費夠10,000元就嗰個月回返500元畀大家、銀行B就話要4個星期,我諗大家會無咩感覺,都係回500元啫;但係如果大家做一個定期,銀行A同銀行B都話存10,000元畀5厘,不過銀行A就一年後即畀10,500元,但係銀行B就話一年後先畀10,000元,嗰500元係獎賞就要再6個月之後再畀,大家會唔會都有啲意見咁呢?

個分別喺邊呢?咪就係因為「定期存款」係一個「Very time sensitive」嘅產品咯!個存款只係3個月,但係要等多6至8個星期之後先有嗰Extra 3%仲係咪叫做+3厘呢?Yes or no lah。

咁成件事反映啲乜?WeLab連加息券同步畀錢個客都做唔到,但係又想出喎,咪搞到咁咯。

其實,WeLab都唔係第一次啦。有留意WeLab新聞嘅朋友都知道呢個唔係Single incident,佢張閃閃WeLab卡玩8%回贈都係非常經典的,人哋MOX、ZA同Livi都係玩即時回贈,而WeLab竟然都係玩Fulfillment!仲要之前爆出疑似Fat finger事件。

【WeLab Bank回贈優惠計計數 2個Bug位要睇清楚︰按此

 

【文章來源:華田銀行;已獲授權轉載。原題:虛銀 IT Infrastructure 有幾唔 Ready 之 WeLab 篇】

【關於作者】

兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版