【虛擬銀行】Mox「日日派息」會唔會真係收多啲利息呢?

理財學堂 14:09 2020/10/27

分享:

【虛擬銀行】Mox「日日派息」會唔會真係收多少少利息呢?

利率高、發放利息嘅間距長先會有分別喇

個差距可能細得令大家(包括我自己)有啲意外,呢度可以講少少Theory解釋一下。

首先大家要知道個「差距」嘅來源係乜嘢,就係因為「每月派息」相對「日日派息」會積壓咗一啲Daily accrued interest(每日應付未付利息),呢啲Accrued interest本來係可以用嚟「複利生息」的!不過呢個問題唔會無限惡化落去,因為呢啲Daily accrued interest會喺月尾發放,咁個Gap就會收返細晒。

所以有幾多Accrued interest就會係關鍵位,而當利率愈高、發放利息嘅間距愈長,積壓嘅Accrued interest就會愈多、積壓嘅時間亦會愈長,佢哋繼而可以產生嘅「複利效應」就會愈大,咁一年後實收嘅利息差距亦都會愈大喇。

一般嚟講,我哋會叫標出嚟嗰個利率做名義利率(Nominal interest rate),例如MOX就暫時係1%,咁1年後實收嘅利率叫做實際利率(Effective interest rate),MOX每10,000元會派100.50029元利息,所以個Effective interest rate就係1.0050029%。

【虛擬銀行會有全面取代傳統銀行的一天嗎?:按此

咁一張圖比較2個利率喺日日、每月、每年發放利息呢3個玩法下變化嘅圖就會係咁樣喇:

大家可以比較吓藍綫(日日派息 ── Mox玩法) 同紅綫(每月派息 ── 其他銀行法玩) 其實非常非常接近,尤其是係喺低利率嘅情況下,無論幾密派一次利息分別係非常細嘅。

咁幾時「日日派息」會明顯優勝於「每月派息」呢?睇圖就睇怕要去到60%先叫做真係有啲分別,不過銀行幾時會有60%息呢?連貸款都唔可能,存款就應該更無可能喇。

所以話「日日派息」係咪真係着數咗呢?好少好少好少咯。至於心理安慰呢?咁日日都見到個戶口有錢入,都幾開心嘅。

日日派息會唔會着數咗?, 請到【上一頁

 

【文章來源:華田銀行;已獲授權轉載。原題:銀行閑談(98) — Mox「日日派息」會唔會真係收多少少利息呢?】

【關於作者】

兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

欄名 : 華田銀行

緊貼財經時事新聞分析,讚好hket Facebook 專版