【虛擬銀行】Mox「日日派息」真係着數啲?可以收多幾多利息?

博客 19:30 2020/10/27

分享:

【虛擬銀行】Mox「日日派息」真係着數啲?可以收多幾多利息?

在一眾已出爐的VB入面,Mox係暫時唯一一間玩「日日派息」嘅公司,咩叫「日日派息」呢?「日日派息」又係咪真係着數啲呢?定只係心理安慰呢?一齊睇落去喇。

咩係「日日派息」呢?

首先講吓一般銀行係點派息嘅先。

一般銀行會係每月月結嘅時候,將一個月嘅利息一次過打去大家嘅戶口入面。就用2020年10月做一個例子,假如大家個戶口由10月1號至10月31號呢31日Keep住每一日個戶口結餘都係10,000元,又假如戶口利息係1%,銀行就會喺11月1日清晨將$10,000 x 1% x 31/365咁多錢嘅利息打去大家戶口入面喇。

【7間虛擬銀行服務比併​​​​​​:按此

咁MOX又點做呢?畀幅圖大家望一望。

呢個就係「日日派息」喇。根據紀錄,MOX會喺每日凌晨2點將前一日嘅利息打去大家戶口,而唔會等月結先做呢個打錢嘅動作,所以大家個戶口就會見到日日都有利息打入去咯。

咁個利息計算方法都係大同小異,仲唔使理啲甚麼大月細月問題,每日利息 = $10,000 x 1% / 365就係咁多咯。

咁日日見到自己有利息賺其實都幾開心的,咁「日日派息」會令個戶口早咗有錢到,因為複利效應嘅關係,理論上係真係會賺多咗少少。

咁一年落嚟可以賺多幾多呢?

每10,000元計,一年可以賺多幾多呢?
先講答案,係0.041元,即係半毫子都唔到。

先畀個圖大家睇吓:

上圖表示如果大家喺1月1號放10,000元入銀行收1%年息,然後唔理佢,全年365日戶口結餘嘅情況:藍色綫係MOX ,因為日日派息,所以條綫會好平滑;紅色綫就係其他銀行嘅情況,因為要到月尾先派息,所以會出現樓梯級嘅形狀,咁為求像真呢,我連大月細月都考慮埋架喇。

咁大家可以睇到呢,兩個方法都會賺大概100元利息,準確啲講MOX會派100.50029元,其他銀行會派100.45959元,對減就係0.04070元,個差距大概就係每10,000蚊一年會差4個仙咁大把。

下圖就係講啲4個仙係點儲返嚟架喇:

每月派息同日日派息的利息相距不大的原因,請到【下一頁

 

【文章來源:華田銀行;已獲授權轉載。原題:銀行閑談(98) — Mox「日日派息」會唔會真係收多少少利息呢?】

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版