【虛擬銀行】WeLab Bank(匯立銀行)回贈優惠計計數 2個Bug位要睇清楚

博客 09:00 2020/10/14

分享:

WeLab Bank回贈計計數 2個Bug位睇清楚

虛擬銀行WeLab Bank(匯立銀行)之前出咗消費8%回贈優惠,我上星期終於收到第一隻Fulfillment,我成功收返18.27蚊咁多多。咁見到啲數字咁零丁,職業病發作咁就梗係計計佢啦。

【WeLab 9.8厘小巴活動「炒車」 但仍屬高明快閃存款活動?:按此

點解回得咁少嘅呢?

咁華田呢啲孤寒友,就梗係嗰啲玩足佢個上限消費最多3,000蚊攞盡8%回贈=240蚊然後將張卡收返落櫃筒底嘅人啦,咁點解我回得18.27蚊咁少先?

查返官網,玩法其實係咁嘅……

現金回贈金額將會根據你上個月消費的符合條件的交易金額計算,並於隨後優惠期内每月首日(由2020年9月開始)開始計算的30工作天內存入你的核心帳戶。

例如:

(a) 如果你於2020年8月31日或之前消費符合條件的交易金額内的港幣2,000元,現金回贈金額港幣160元將於2020年9月1日開始計算的30個工作日内存入你的核心帳戶;

哦,原係來逐個月做Fulfillment嘅,咁我Check吓自己個txn record啦……

第一筆(亦都係8月唯一一筆)txn係Marks & Spencer $198.5,咁$198.5 x 8% = $15.88,咁唔啱數喎!

咁不如試吓加埋9月2號喺OK買嘢嗰筆啦,($198.5 + $29.9) x 8% = $18.272,咁就啱返數喎!

講到呢度,Bug位總共有2個,大家有無發現到呢?

【虛擬銀行先出Debit Card係高明選擇?:按此

Bug位一:點解會計埋9月2號條txn呢?

講句公道說話先,佢早咗做回贈呢不單止無違反T&C,其實我仲幾開心添,不過會唔會亂咗少少咁呢?

今期我有計清楚知道9月2號條數已經回贈咗咁都ok,不過如果個客今期無計到,下期先嚟計,佢就好可能會發覺畀少咗回贈畀佢,因為佢根本唔為意9月2號嗰條數經已喺上期回贈咗喇!

咁點解咁亂呢?

都係嗰句,因為我唔喺入面做所以只能夠估估吓啦,撇除佢技術/人為錯誤嘅可能性,仲有可能就係佢System唔識好好分辨一條交易嘅Transaction date同Post date,畀張圖大家睇吓:

喺信用卡嘅世界,「交易日期」同「記帳日期」好多時都會有1至2日嘅Time gap出現,取決於商戶「清機」有幾快同密喇。

會唔會係WeLab背後做Logic嘅時候無好好咁分辦到Trans date同Post date而統統攞咗Post date,而又為咗確保所有8月內做嘅Transaction唔會因為任何原由遲咗Post入WeLab因而再做漏回贈畀個客(例如831交易903先Post入嚟),所以就唔理好醜將9月2號甚至3號Post入嚟嘅txn都做埋Fulfillment畀佢呢?

假設佢統統用晒9月3號Post date嘅Transaction,而我隻OK 9月2號嘅Transaction又好快地用咗唔使一日就Post咗入嚟,咁就誤中副車畀人當咗8月Transaction喇!

再講一次,我係齋估的,知道內情嘅網友不妨交流一吓哦!

【4間虛銀忘記密碼流程實測:按此

Bug位二:你所有嘅Customer communications可唔可以講清楚你回緊啲乜嘢txn呢?

大家睇返最頂張圖,你剩係話我知回咗18.27蚊,又無講乜事(係存款小巴炒車賠償金?係已上車人士慰藉金?定係你個8%消費回贈呀?),好喇,我醒起一定係8%回贈喇,又唔講原來只係回8月(+9月少少)txn。

寫到呢度,呢刻我又好似明明哋,因為講8月又死,講(可能)連埋少少9月又死,繼續開車死、唔開車又死,真係慘慘呢……

【文章來源:華田銀行;已獲授權轉載。原題:銀行閑閑談 #45 — 又嚟引火自焚的 WeLab Bank】

【關於作者】

兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版