WeLab Bank 9.8厘快閃小巴活動「炒車」 若成功屬低成本高回報之作?

理財資訊 15:24 2020/09/22

分享:

WeLab Bank 9.8厘快閃小巴活動炒車 若成功屬低成本高回報之作?

燒鵝位三:有咩好過少少錢可以搶到咁多Low cost deposit?

好嘢當然留到最後講,呢個真係Point of the point,就係佢有機會吸引咗好多Low cost deposit呀!

先問大家一條IQ題,請問如果大家真係好想搶到架存款小巴,除咗要先開戶,之後不停咁望實個FB/不停咁Login之外,仲要事先做好一件準備工夫,請問嗰件準備工夫係乜嘢呢?

諗到未諗到未?啱喇啱喇,就係你要放定10,000元喺WeLab個活期戶口度呀!咁WeLab開業一個星期就話自己已經有10,000個客,咁如果有一半客睬佢,咁就已經有10,000元 x 5,000 = 5,000萬元!

上返去燒鵝位一,呢架小巴嘅本質其實同抽獎分別不大,但係佢就好成功咁吸引咗大家為佢「做足準備」,咁就吸多5,000萬元存款喇!

大家又留意返,同一樣嘅5,000萬元,WeLab係特別平的,點解呢?又畀第二個IQ題大家諗吓,請問ZA/AirStar/Livi/Mox頭10,000元嘅活期基本利率係幾多呢?答案係1%/3.6%/0.5%/1%,咁WeLab呢?

係0.1%呀!

【延伸閱讀】【虛擬銀行】虛擬銀行會有全面取代傳統銀行的一天嗎?用3個角度分析話你知不會 

WeLab係出咗台嘅5間VB入面唯一一間無提供額外活期存款利率嘅!

咁如果大家好仔細計返每日7,000元 + Marketing cost相對5,000萬元存款,個Costing都唔係真係咁好,但係呢5,000萬元由於唔係定期存款,所以唔會有甚麼「到期日」,個滯後效果會比定期存款好好多,仲係叫做用相對Organic嘅方法吸返嚟的呢。

No matter what,對華田嚟講,呢架快閃小巴本質上就係抽獎,屬於銀行第二波嘅「揀嚟派」系列,但可以玩得咁平、咁精緻真係好少見,係一個好好嘅Use case,係可惜一出閘就炒咗車,所以話idea幾好都好,都係細節決定成敗。華田期待WeLab有更多精彩案例哦!

快閃小巴活動實屬吸Like利器?【上一頁

 

【文章來源:華田銀行;已獲授權轉載。原題:銀行閑閑談 #39 - 雖然炒咗車,但仍然是非常高明的快閃存款小巴】

【關於作者】

兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版