WeLab Bank 9.8厘快閃小巴活動「炒車」 若成功屬低成本高回報之作?

博客 15:23 2020/09/22

分享:

WeLab Bank 9.8厘快閃小巴活動炒車 若成功屬低成本高回報之作?

WeLab Bank之前快閃推出9.8厘的「快閃GoSave飄移定期存款」年利率優惠。不過,活動首日就出現死機問題,WeLab Bank最終宣布暫停活動及進行壓力測試。雖然架快閃小巴嚟得又去得快最後仲炒埋車(兼賠埋款)。華田不得不承認呢架小巴真係非常高明,如果玩得成的話,會係一個非常成功的Use case,好值得各大小銀行參考哦!

【延伸閱讀】WeLab Bank暫停9.8厘港元定期存款快閃活動 稱需進行更多壓力測試

Prerequisite一個:呢個Campaign個成本其實好低的

先講一個前設,就係大家有無留意呢個Campaign個Direct cost真係超低……

每日50個名額、上限10,000元、存2個月、9.8%息,如果當佢Basic定期都要畀1%,咁即係個Extra interest只係8.8%,咁每日成本就係50 x $10,000 x 2/12 x 8.8% = $7,333,Campaign本身Plan玩22日,總成本即係146,666元了。

只係每日7,333元就足夠令大家大量湧入推冧個Server喇,記唔記得啱啱政府每人派幾多錢呀?10,000蚊啦!一個月返22日工,如果日薪係7,333元,月薪就啱啱又係 146,666元,請兩個高級少少嘅Senior Manager計返強積金保險都要呢個數啦!

你話係咪好平先?但係呢架小巴卻可以用庶渣價錢,渣出燒鵝嘅味道,講3個Point畀大家參考吓。

燒鵝位一:有咩好過少少錢可以吸引到你開戶口呢?

我諗最近ZA同WeLab都面對緊同一個問題,就係高息存款過後,仲有咩Good excuse去吸引大家嚟開戶口呢?

係華田Fans嘅都會知道,我一直都話愈高息嘅存款只會養出愈不忠誠嘅客戶,用高息吸返嚟嘅客只要個高息一到期就會帶錢走喇,天星暫時無呢個問題,因為一直都仲派緊3.6厘;Livi亦都無呢個問題,因為Day 1開始就無派過高息,但係ZA同WeLab就係唔係咁講了。

為甚麼愈高息嘅存款只會養出愈不忠誠嘅客戶?【按此

而銀行為咗慳成本,好多時都會第一水就玩「人人派」,第二水就會玩「揀嚟派」,所以你見呢期ZA玩做1蚊e-DDA就可以抽獎,咁香港人嘅基因就當然係執輸行頭、慘過敗家,可惜抽獎太難中,1蚊做隻e-DDA無咩成本咁大家都可以一試,如果要開戶先有得抽獎,香港人就肯定唔會睬你。

咁點樣可以高明地「揀嚟派」呢?獎抽獎呢啲運氣呢,變成搶小巴香港人就受晒了。其實大家諗真啲,呢個其實咪又係抽獎!畀你真係咁啱撞得正嗰個時間登入,咁你咪上到車咯!你以為真係睇FB咩?首先小編一定會遲過架小巴埋站少少先出Post,仲有FB又係咪即刻Show到畀你,你又係咪第一個見到個FB Post呢?

所以結論都係抽獎,不過呢個係「貌似」有努力成份嘅抽獎,鬥快之嘛,我實得嘅,咁香港人就即刻受晒啦!咁你仲唔快啲開戶一齊嚟搶小巴?

快閃小巴活動成本低、宣傳價值高?【下一頁

 

【文章來源:華田銀行;已獲授權轉載。原題:銀行閑閑談 #39 - 雖然炒咗車,但仍然是非常高明的快閃存款小巴】

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版