【生存法則】生存搵食硬道理 認清殘酷「森林法則」

博客 19:13 2020/09/03

分享:

【生存法則】生存搵食硬道理 認清殘酷「森林法則」

一場新冠肺炎疫情,改變人類生活常態,亦令經濟重創,企業減薪、裁員;打工仔停工、失業,影響力生計。若非身家豐厚,EQ超高,打工仔很容易變得心情鬱悶、滿肚怨氣。情緒發洩,是要的,否則谷爆。

不過,「肥碌」曾智華勸勉大家,發洩完,一定要回歸理性面對現實!因為,根本無人會同情你甚或可憐你。

食得鹹魚抵得渴

成人世界的鐵律,一定是:食得鹹魚抵得渴,打甩門牙帶血吞!

他表示自己生長在舊式中國人家庭,對男性要求,百份百要堅強:男兒有淚不輕彈,流血不流淚。

所以,十分鄙視軟弱。你遇事失敗變大喊十?不單無人會呵護,反之,分分鐘換來兜巴星,星到你醒覺現實中的「森林法則」。

真實世界永恆定理

真實世界中,有幾項永恆定理:

  • 唔蝕得,勿投資;
  • 唔輸得,勿比賽;
  • 唔炒得、勿打工(自己做老闆啦!)
  • 唔執得,勿營商。

聽落,好似冷酷無情。

不過,愈遲開竅,愈遲接受(有得唔接受咩?),就愈痛苦。

投資大忌 勿只諗Upside

香港人,尤其男性,多愛成功,又愛認叻,更個個夢想發達,故十之七八會投資,包括股票、物業,及真真正正搞一盤生意。

弊在,人性及無知使然,大部分拿出真金白銀去「尋夢」時,皆只往好處看,即只諗Upside,賺到錢就點點點。

更天真者,以為自己眼光蓋世,定必有賺無蝕,走去借錢投資。

結果……大家問問身兼「投資者」的資深打工仔就知,

1.若投資真的賺梗/好賺,就無人捱份牛工啦

2.當然十之七八在投資路上血跡斑斑,不停「交學費」

強者vs弱者

強者必會繼續上路。

弱者,一世做「大喊十」,長期扮演Loser可也。

【原文刊載於iMoney,題為:唔蝕得 勿投資】

緊貼財經時事新聞分析,讚好hket Facebook 專版