領航撤出香港 指數投資喺香港無市場?

博客 10:29 2020/09/01

分享:

全球第二大基金管理公司領航(Vanguard)上周宣布將在逐步撤出香港嘅基金、ETF、MPF嘅市場,僅保留機構客戶業務。喺𠵱家香港捕風捉影嘅環境下,當然會引起好多聯想喇,不過官方已解釋了,係因為商業決定而撤出香港。

指數化投資係最穩健嘅投資方法

如果無點留意基金消息嘅投資者,又或者投資經驗比較淺嘅人,可能會唔知領航係咩嚟,領航除咗係一間大型基金管理公司外,更加係由「指數基金之父」約翰·柏格(John Bogle)創立。柏格於1975年成立全球第一隻指數基金Vanguard 500 Index Fund(標準普爾500指數基金),以低收費見稱,憾動當時基金業界。

約翰·柏格

柏格寫過本書,叫《一本書學識投資》,提倡簡單而低成本嘅指數化投資,呢樣先係贏面最高、又最穩健嘅投資方法,而同佢嘅同道中人嘅仲有股神巴菲特。

連巴菲特都推祟指數投資,佢仲用一場賭局證明,按下一頁

恒指、滬深ETF先受歡迎

時至今日,指數投資產品唔唔算係新鮮事,而且市面上相關產品繼續增加緊,喺香港投資市場,最出名一隻指數交易所買賣基金(ETF),就係大家好熟悉嘅盈富基金 (02800)

以積臣嘅觀察,香港投資者唔係唔知有指數投資產品,但唔係好熱衷,更專注於股份追漲殺跌,炒炒賣賣,大多數覺得咁樣先賺得多,嫌指數化投資回報慢。至於接受指數化投資嘅投資者,會多啲留意返恒指或滬深指數,所以成交特別旺嘅都係相關嘅指數產品,例如盈富基金,南方A50 ETF (02822) 、華夏滬深三百ETF (03188) 等,而上周五新推出嘅南方恒生科技ETF (03033) 亦都成為市場焦點。另外,就係唔少人將ETF當股咁炒,升幾格就放,同長綫投資原意相違背。

相反,其他嘅ETF,交投就相對冷清,領航喺香港推出嘅ETF都係同一命運,所以領航亦都好坦白表示,「從分銷業務來看,目前的行業生態較適合機構投資者,而個人投資者的規模亦不足以支持現有經營規模及發展」。而積臣我嘅解讀係,佢哋係香港發出嘅指數化產品即係「無肉食」,無癮喇,咁唯有撤出香港市場喇!

了點解指數投資更適合散戶,按下一頁

隔山買牛標普500指數ETF

領航喺香港經營6隻ETF,領航標普五百ETF (03140) 已經係最多人關注嘅一隻,但今日成交額僅有約780萬港元,相比我以上提到嘅恒指或滬深指數ETF,係講緊逾億港元以上成交額。

對於散戶嚟講,積臣相信領航撤出暫時唔會有太影響,因為無人「care」嘛!積臣最大遺憾係港股市場會無咗唯一一隻追蹤標普500指數嘅ETF 3140,想繼續投資嘅話,只有隔山買牛了!去美國市場買領航喺美國推出嘅標普500指數ETF Vanguard 500 Index Fund(美︰VOO),以上星期五數據為例,VOO成交有11.37億美元,又或者道富集團發行嘅SPDR S&P 500 ETF(美︰SPY),有169億美元成交。

了解更多領航在港推出的ETF,了解按下一頁

 

【作者簡介】90後製作公司打雜,熱愛打機,亦愛行山吸收靈氣,希望快啲儲夠錢享受人生。

====

市場瞬息萬變,但機會處處。即上滙豐「FinFit」理財資訊平台,助你掌握先機,創造創富,財務自由就在不遠處。

【hket 網上書展訂閱優惠最後召集】禮品總值高達$4,726!把握機會,立即訂閱

8月4日起一連8個星期二晚上7:30, 八大財金名家包括:陶冬、陳坤耀、胡孟青、施永青、曾淵滄、林少陽、陸東、巴曙松,會於《香港經濟日報》坐陣!立即免費下載

撰文 : 積臣

欄名 : 積財有計

緊貼財經時事新聞分析,讚好hket Facebook 專版