【職場管理】「中央集權制」vs「Free hand」style 你的上司是哪類?

博客 17:34 2020/08/19

分享:

【職場管理】「中央集權制」vs「Free hand」style 你的上司是哪類?

今時今日做中國領導人,真辛苦(有人即駁,中國有哪個領導人不辛苦的?我答:「有!江澤民!」對方立即語塞),內外交困,超級難題一大堆。最弊,內地大小問題仍要一把抓,連國民浪費食物,都要勞心,煩!

中央集權-老細講乜我做乜

管理法有好多種,中國現行的,是中央集權。人人未下決定前,一定向上望,以免判斷錯誤領嘢。最佳使用教科書講的「Top Down Approach」,一齊「由上而下」,老細講乜我做乜,包唔使孭鑊。夠晒安全,最多俾人窒唔夠主動效率低。

講到管理作風,我肥碌都經歷過不少品種。做傳媒,當然最愉快是遇到上司行「Bottom Up Approach」,即「由下而上」及宏觀管理作風啦!

Free Hand Style-放手讓下屬去闖

做傳媒,天天要搞創作,意念天馬行空。若下下要顧慮上司點諗,一定唔慌有突破。

事實,我的傳媒生涯,大部分時間行「自由式」,幾位上司皆俾隻「自由手」(Free Hand)我去闖。故此,自問亦搞出不少新意,過程「生產力」澎湃,因無人阻頭阻勢也。

不過,並非個個打工仔都喜歡「自主」的。試過有位中層,由別組調來跟我,因佢舊上司慣「微觀管理」,乜都過問,故為免孭鑊,成日追住我問:「碌Sir,咁得唔得呢?咁又得唔得呢?」

煩到抽筋,終於忍唔住噴佢:「你收幾錢人工坐乜位有乜權知唔知?有問題,唔該自己諗吓點解決,真係好唔掂先搵我!樣樣唔識落決定,你點升到做主任級㗎?」

【為甚麼職場新人最重要是跟對人:按此

【林鄭七個字回顧40年公僕生涯:按此

撰文 : 曾智華

緊貼財經時事新聞分析,讚好hket Facebook 專版