「疫」市下失業點算? 申領失業津貼援助渡難關

博客 19:01 2020/08/03

分享:

「疫」市下失業點算? 申領失業津貼援助渡難關

香港經濟有幾唔好,大家喺街見到咁多「吉」舖,都略知一二喇!睇數據,最新失業失業率係6.2%,好接近1998年亞洲金融風暴嘅6.4%,而第二季GDP更係-9%。財政司司長陳茂波都警告,第三季經濟或會承受更大嘅壓力。

但股市就同實體經濟脫鈎,先唔睇隔一個太平洋嘅美股納指,本港嘅科網股都好似裝左火箭咁,升到唔識停,而最近先推出、有港版納指之稱嘅恒生科技指數,都日日創新高。仲有穩定收入、略有閒錢投資嘅人,眼光好揀得中,都可以係股票市場大豐收,為財富增值,但對於剛好係呢段時間失業嘅人,有工返,有三餐溫飽已經好安落。

香港經濟幾時先變好?最快都要係新冠肺炎疫苗可以穩定供應,當大多數人產生抗體,就可以安全重啟經濟活動,但要幾時,雖然話全球各國都努力研製緊疫苗,但無人可以確實講定,快極都要今年第三季末或第四季初。而且當經濟活動重啟後,要回復疫情前嘅景象,點都要啲時間。

有經濟困難 申請津貼援助紓困

對於失業人士嚟講,要捱多幾個月,甚至係半年,難免感到徬徨。雖然香港人經常強調要自力更生,但喺今次世紀疫症下,有經濟困難嘅人士,申請政府津貼或民間救助或並唔係咩羞恥嘅事,特別係有家庭要照顧嘅人士,正所謂「馬死落地行」,先渡過今次難關吧!

以下係政府同民間嘅津貼同援助計劃,綜援應該好多人都知道了,政府今次優化綜援下嘅失業支援計劃,申請門檻較以往低;另外,關愛基金亦為「N無人士」推出「N無津貼」,申請/家庭可獲發一次津貼。民間團體方面,好多計劃係上一季已停止截止申請或款項已用完,暫時發現保良局扶弱基金督係接受全年申請。

當然,係失業期間,都要持續進修,增值自己,尋找工作機之會,當中「特別・愛增值」計劃2提供每月進修津貼。而中高齡就業計劃就專為中士及高齡人士進修同職場轉型之用,同樣提供在職培訓津貼。

津貼/援助

持續進修

報名方法同計劃內容積臣唔詳細講了,可以撳上面條超連結去相關官網瀏覽。最後,積臣希望疫情快啲過去,香港人要安康哦!

【N無津貼懶人包】申請表今日起派發 一文睇晒申請資格、方法及注意事項

 

【作者簡介】90後製作公司打雜,熱愛打機,亦愛行山吸收靈氣,希望快啲儲夠錢享受人生。

撰文 : 積臣

欄名 : 積財有計

緊貼財經時事新聞分析,讚好hket Facebook 專版