滙豐信用卡換里數好着數? 識玩應該點樣玩?

博客 17:45 2020/06/02

分享:

滙豐信用卡換里數好着數? 識玩應該點樣玩?

上月中HSBC正式宣布,信用卡客戶可以經Rewards+將Reward Cash(RC)轉換成Asia Miles,呢個動作足夠令我由Rebate黨變返做Miles黨喇。老實講,積分轉Miles就好多間都有,甚至渣打亞洲萬里通萬事達卡就係主打換Miles嘅,咁到底有咩吸引力呢?

【延伸閱讀】Asia Miles里數飛甩有限期 「永續」里數新方法

個Conversion rate足夠令我重回Miles的懷抱了

先講重點,如果你無一張HSBC嘅Visa Signature Card,麻煩去申請一張;如果好不幸你過唔到個入息,麻煩都去整返張Red Card(呢個要求係月入10,000元,應該有喇掛?),因為喺呢個時空下嘅HSBC信用卡,基本上係一張No Brainer Card,即係喺大大大大部分情況下,佢都係全城最着數。

講返Miles,暫時喺Rewards+望到個Conversion Rate係1RC換10 Miles,推廣期內再送10%即係合共11 Miles,抵唔抵呢?係超抵……

用呢個時空下最具競爭力嘅渣打里數卡為例,食飯$4/Mile、其他 $6/Mile,如果大家用Visa Signature放落「賞滋味」,咁食飯有3.6%回贈,即係食飯$100有3.6RC再換36 Miles(無計額外10%Miles),簡單數學即係$100/36 Mile = $2.78/Mile,喂,抵太多太多喇掛!

如果係網購用Red Card,咁就係4%回贈,即係網購$100有4 RC再換40 Miles即係$100/40 = $2.5/Mile,咁就贏得仲誇張。

仲未計HSBC嗰啲久唔久甚麼超市額外5%回贈,手機支付又5%回贈等等,華田之前出街吃飯,Visa Signature 3.6% + 手機支付5%總數8.6%,如果轉做Miles,Effective就係$1.16/Mile,玩埋10% Extra mile就係$1.05/Mile,喂喂,我唔係玩迎新又要填表又要確認新卡又要逐蚊計記嗰種喎!

【延伸閱讀】逢星期四購物滿$500享95折 Citi HKTVmall信用卡值得申請嗎?

咁其實換Miles又抵唔抵呢?

早喺2018年1月華田就寫過一篇專門討論Miles抵唔抵嘅文,當時專門比較渣打張里數卡同花旗張Cash Back Card,不過都過咗2年幾,一切都唔同晒喇。

咁當然航程和艙位唔同,Effective rebate都會唔同啦,不如講吓我會點玩,大家又交流吓有無更正玩法啦!

先睇張換算表先:

喺呢個時空下,其實你好難同廉航鬥,所以通常我畀大家嘅建議都係,要咁辛苦儲落一堆Miles然後坐國泰經濟艙,不如玩回贈坐廉航更實際,所以要玩一定至少至少望住Premium econ或者Business嚟玩啦!

以「田生の故郷」東京為例,香港出發屬於「短途」,Business單程最平可以用25000 Miles一程嚟換,來回即係50000 Miles,如果用現錢買呢?喺國泰玩咗一輪,唔連稅最平都大概要14,500元,咁又係簡單數學時間喇,要攞50000 Miles最少要碌幾多錢呢?

以全部食飯為例,頭先已經計過Visa Signature Card係$2.78/Mile,$2.78 x 50,000 = $138,889,用大概$140,000換一張$14,500嘅機票,即係Effective係10.44%回贈!係10.44%回贈呀!可惜華田結婚太早,𠵱家擺15圍酒都要$300,000啦!咁就2張「東京商務來回」機票喇!

 

【文章來源:華田銀行;已獲授權轉載。原題:睇嚟換 Miles 會成為我既唯一選擇喇】

【關於作者】
兒時夢想做i-banker,結果做了bank worker,還要是retail那種。過去在各大小銀行不同部門流徙,叫人借錢、催人還錢、審批貸款、出股票app、出借錢app、出信用卡、廣告策劃、銷售管理、分行佈點、生物認證、電子排隊、機器學習、敏捷開發,到現在還未安定下來。不懂財經、不懂經濟,只想談一下「銀行」這回事。

開啟hket App,閱讀全文

撰文 : Wallace Tin

欄名 : 華田銀行

緊貼財經時事新聞分析,讚好hket Facebook 專版
訂閱《香港經濟日報》電郵通訊
收取第一手財經新聞資訊 了解更多投資理財知識 提交代表本人同意收取香港經濟日報集團所發出的推廣訊息,你也可以查閱本網站的私隱政策使用條款