19歲大專生邊學邊做 夢想創個人品牌 設攝影工作室(短片)

創業 17:00 2019/10/03

分享:

正所謂「做人如果無夢想,同條鹹魚有咩分別?」當你仲係19歲的時候,你又記唔記得自己做緊乜?又知唔知道自己嘅人生為咗啲乜?19歲的大學生DAM,中學開始接觸攝影,自此便愛上了攝影,亦有計劃到外地學習他國攝影師的拍攝手法,希望將來有朝一日可在香港這個家開設自己的攝影工作室,及創造一個能代表自己的「品牌」。

Dam於中四時便接觸攝影,2016年3月與朋友開設一個網上攝影平台,分享個人攝影作品。其後更在影樓兼職,現時亦有幫大專生學生活動拍攝。學生組織往往資源有限,經歷過大專「搞莊」生涯的無人不知,於是Dam便以「友情價」為大專生活動拍攝。「幫到佢哋減輕財政壓力係好事,另一方面我又可儲到經驗同人脈。」

「助人為快樂之本」原來也是Dam在幫人拍攝時的體會。幫人拍攝除了過程中自己學到新技巧,能夠幫助別人「儲起回憶」,是Dam的快樂之源:「雖然過程一定會好攰,但呢種樂趣係其他嘢畀唔到我。」

【90後,追夢吧!系列訪問一】在港打工難出頭?90後女生 創業路飛馳(短片)

「夠唔夠用其實睇你點慳」

回歸現實,快樂不能當飯吃,Dam也意識到「攝影師」並不是一個收入穩定的職業,她堅定地走上攝影的路,希望大學畢業後繼續從事攝影工作,亦是多得家人的支持。不過Dam當然也有好好地開源節流,除「慳家」過活為器材升級,亦有做外快增加收入。「我覺得這些事情你肯做就一定做到。」Dam認為,好多人都話賺到的錢夠不夠用,但其實要睇你點慳!「當你賺到1元就會想賺2元,咁樣賺幾多錢都會不夠。」

慳到之後,又會如何?除了升級器材,Dam亦有計劃到外地的攝影工作室取經。近年香港興起韓式證件相,造就商機及熱潮,Dam坦言都想好好學習一下。「我會覺得人哋出色嘅地方要參考一下,唔可以成日話香港最好。有時要參考其他事,融合自己特色,再創出一個新風格,我覺得會係一件好事。」

「試咗先 唔好令自己後悔」

要創出自己的風格,絕非容易,Dam仍努力朝着這方向前進。「如果有自己一個品牌,就算未必好出名,但至少比人感覺我是有一個品牌,這個品牌就代表我,這是對自己的一種肯定。」對Dam而言,成為攝影師是一個起點,最終希望能夠港創業,開設自己的工作室,建立個人口碑。

縱使面對各種不同的可能性,Dam的宗旨是:要試咗先,唔好令自己後悔。「做唔做到都好,趁年輕你做過,至少你之後廿幾、三十年,再睇返自己做過嘅事,會覺得都可以話係無悔,至少你肯試。你試過,不得就再試,除非真係有好大問題,或者自己改變咗諗法,我覺得點都要試咗先,唔試你會後悔。」

年輕人牢牢抓緊自己的夢想,一步步向前,跌跌碰碰難免,但總能夠往實踐夢想的一日更邁進一步。然而同一個月亮,會是故鄉的更亮,還是外國的特別圓?又有多少年輕人有衝出香港的念頭?請繼續留意「90後,追夢吧!」系列訪問。

【90後,追夢吧!系列訪問三】音樂界Freelancer冀闖歐洲 夢想麵包會點揀?(短片)

撰文 : 何采思 實習記者

欄名 : 創業idea

緊貼財經時事新聞分析,讚好hket Facebook 專版