「驚安的殿堂」香港分店明日開幕 YouTuber SOKO帶你睇有咩買!

消費錦囊 19:06 2019/07/11

分享:

「驚安的殿堂」香港分店明日開幕 YouTuber SOKO帶你睇有咩買!

「驚安の殿堂• 唐吉訶德」(港稱Don Don Donki)將於明天(12日)在尖沙咀美麗華開幕。香港分店早前就邀請居港日男兼YouTuber和泉素行(SOKO)拍攝影片,預先帶大家睇下有咩買。想係開幕當日去「朝聖」,就要搶先睇下啦!

【延伸閱讀】:「驚安的殿堂」香港分店明日開幕 一次睇晒開幕優惠

開幕尋寶活動 送吉祥物公仔

開幕設有尋寶活動,送吉祥物公仔。(圖片來源:Youtube截圖)

開幕當日,店內會貼有魚蛋太郎及Donpen的貼紙,搵到之後,拎去禮物換領處就可以拎到吉祥物Donpen同Donko各一隻,只有30份咋!開幕當日去嘅你要注意啦!

日本藥粧都有得買!

唔少人去到日本,都會去藥粧店掃貨,而Don Don Donki香港分店亦有日本藥粧賣,仲有其他生活用品,相信會係各位女士嘅「新戰場」。

日本藥粧,如面膜及眼藥水等都有得買。(圖片來源:Youtube截圖)

食物部應有盡有

分店有如超級市場,乾貨、濕貨都有,食物部有售壽司及海鮮刺身、肉類及熟食,亦設有立食區,啱晒鍾意食日本小食嘅你!

食物部有售壽司及海鮮刺身、肉類等,亦設有熟食和立食區。(圖片來源:Youtube截圖)

此外,香港分店亦保留了日本分店的成人區,出售各種成人用品。

「驚安の殿堂• 唐吉訶德」Don Don Donki

地址:尖沙咀彌敦道118-130號美麗華廣場2期地庫B1

開幕當日開放時間:早上10時至晚上8時

欄名 : 消費錦囊

緊貼財經時事新聞分析,讚好hket Facebook 專版