你登記咗做選民未?今日(7月2日)截止嘞!

博客 12:00 2019/07/02

分享:

你登記咗做選民未?今日(7月2日)截止嘞!

「我上網查過,點樣可以成為一個合資格的選民。」好事之徒在損友吹水大會上說:「要登記成為合資格選民,要包括以下條件:第一、屬香港永久性居民;第二、通常在香港居住;第三,在二○一九年九月二十五日或之前年滿十八歲;第四、持有身份證明文件,如香港永久性居民身份證;第五、沒有喪失過選民資格。」他解釋得相當詳細,沒有任何遺漏。

「但係我覺得今時今日,要做一個合資格的選民,淨係有以上五個條件,並不足夠,一定要附加埋以下的條件。」

好事之徒忽然選舉主任上身,續說:

第六條、在二○一九年九月二十五日或之前年滿十八歲的年輕人,必須有分辨是非、懂得獨立思考的能力;

第七條、唔會因為別人請你吃蛇齋餅糭,小恩小惠,就去盲目投佢一票;

第八條、不能輕易相信任何一個候選人的政綱及承諾,因為政綱及承諾同生草藥一樣,噏得就噏;

第九條、不論對方屬於邊個黨派,自己都要做足功課,聽其言、觀其行之餘,仲要翻查他們的價值觀是甚麼?係真心為民請命,又或者『違民請命』?

第十條、唔好因為朋輩的壓力影響你對呢班候選人的判斷。

如果你覺得自己符合第六至到第十項條件,咁你就係一個合資格嘅選民,就可以用你手中的一票,投一個你真心覺得佢可以幫到香港的人入區議會。」

一眾損友拍爛手掌,你登記了做選民沒有?

撰文 : 鄭丹瑞

緊貼財經時事新聞分析,讚好hket Facebook 專版