無帶銀包都可以搭地鐵?原來港鐵有此「善舉」!

日常開支 13:33 2019/03/15

分享:

有時趕住出門口,電話、銀包或八達通都會遺留家中,相信好多人都試過。出咗門先發現自己身無分文,又怕尷尬不想向路人借錢搭車,可以點算呢?唔使驚,港鐵喺大廳!只要你喺港鐵沿綫,港鐵就可以幫你一把。港鐵原來一直有提供「賒票」服務,先向港鐵借出一張單程車票搭車,然後於7日內「找數」,都可以畀你入閘搭車。

若果乘客不夠錢搭車,可以前往客務中心尋找職員協助,首先出示香港身份證明文件,然後填寫一份「繳付車費協議」的表格,提供個人資料,如姓名、電話號碼及住址,並簽署承諾7日內繳回車資,便可以獲得一張單程車票。如果乘客未有在7日內繳回車費,港鐵就會寄信追討,表格亦列明港鐵不排除採取其他行動。

早前就有港鐵職員不小心流出一份「黑名單」,公開了40多名濫用「賒票機制」人士的個人資料,顯示如果賒票乘客未有如期清繳車資,港鐵內部是會存檔紀錄在案的。港鐵的「賒票機制」都是為了方便市民,在緊急情況下,都能乘坐地鐵前往目的地,如果真的要用到此服務,就別忘記「找數」。

「繳付車費協議」參考表格(圖片來源:Facebook群組MTR Service Update)

欄名 : 消費錦囊

緊貼財經時事新聞分析,讚好hket Facebook 專版