【2019豬年】新年好去處 去商場打卡最醒神

日常開支 17:30 2019/02/01

分享:

農曆新年仲有幾日就到,除咗拜年,仲有可以去邊到應節?梗係去各大商場打卡,同己亥年嘅主角「豬」影返張靚相,新一年就會好運連連啦!

沙田新城市廣場:新春の幸福駅

近年嘅農曆新年都近情人節,唔少商場都會「一雞兩味」將商場裝飾由傳統嘅紅色做主調,變成充滿少女味的粉紅色。沙田新城市廣場就以北海道幸福車站作為靈感,設計【新春の幸福駅】作賀年佈置。以幸福作主題,適合情侶之外,就算是單身男女、一家人及朋友都無走雞。場內有多個打卡位,包括櫻の號列車、鳥居等。想要新一年得到幸福,就可以到場感受下啦!

日期:即日起至2月24日

荃灣廣場新春豚圓櫻花園

唔得閒去日本睇櫻花都唔緊要,可以去荃灣廣場感受櫻花季節嘅浪漫。荃灣廣場以「祝福。豚圓」 為新春主題,以可愛浪漫風作主題,設立了新春豚圓櫻花園。又有可愛嘅豬仔,亦有浪漫嘅逾13米長粉櫻步道,可以一次過影晒新年同情人節嘅應節相!

日期:即日起至2月17日

利東街:利東喜盈豬

「利東街」以「利東喜盈豬」為題,採用寓意圓滿、光明的金光千紅燈籠及金光閃閃的金錢,加上中庭再放上「利東喜盈豬」,祝願市民前途光明、財源滾滾,寓意「豬牽富裕年」。

日期:即日起至2月28日

朗豪坊:《豬事如意》飲茶裝置

飲茶不單在於飲食,更重要是與親友相聚在一起,分享美食。朗豪坊以飲茶做主題,將傳統茶樓用粉紅色作裝飾,變成「豬事茶居」,邀請大家去得閒飲個茶。有大大個「豬仔包」畀你打卡,應節之餘亦有團圓的寓意。

日期:由即日起至2月17日

尖沙咀The ONE :《飛天少女豬事丁》

《飛天少女豬事丁》係80、90後嘅童年回憶,想要重遇兒時好友主角寶妮,就可以去到尖沙咀The ONE。寶妮會化身成高3.5米的招財吉祥豬,為你帶來好運。除咗主角寶妮外,其他角色亦換上春裝,等待大家來打卡留念!

欄名 : 周末好去處

緊貼財經時事新聞分析,讚好hket Facebook 專版