銀行手機App真係方便用家?

博客 20:20 2018/10/05

分享:

食飯夾錢用「轉數快」,跨行過數用「轉數快」,銀行推優惠谷客登記「轉數快」。今時今日喺香港,彷彿唔用「轉數快」就不如返古代尋秦算吧啦。講返我自己,我積臣為咗了解下啲銀行的「轉數快」服務有幾好(實質想登記「轉數快」攞下著數優惠),專登裝咗幾個手機銀行APP。竟然比我積臣有另一發現,悟出一個道理,就係銀行手機App 一定係大趨勢。

點解咁講呢?話說積臣其中一個下載的銀行APP係渣打銀行的手機App。用渣打手機App第一次登入時,會要求你啟用SC Mobile Key先可以登記「轉數快」,但當你手快快按了確定鍵,你之後永遠登入E-banking時都要用手機App連線去進行確認程序。你或者會問「用晒Data點算?」。個設計者都好聰明,「可以用離線的密碼架」,其實無非都係鼓勵你用渣打手機App。

積臣的疑問是,如果無手機跟身,就豈不是用唔到E-banking?

想唔用?得!你可以打電話要求取消SC Mobile Key,唔用App改返用電腦囉,這一招真係好絕……頂聰明。

ebanking要求以手機App進行認證

mobile key

ebanking要求輸入離線密碼

有網民批評sc mobile

WeChat Pay HK點樣入電話電郵轉錢俾人?

講開又講,WeChat Pay HK係第一批參與「轉數快」的電子錢包公司,但呢幾日WeChat Pay HK都只可以入錢,不能轉錢走。WeChat Pay HK話會陸續開放轉錢走功能。我的WeChat有幸試到這個功能,但一入到去發現要輸入對方水蛇春咁長的銀行號碼,而唔係簡單用電話號碼或電郵就搞掂,好多人都可能就咁停左,即刻閂左WeChat佢。其實係有得入電話號碼或電郵過數,我都係被人提醒先知,係「銀行帳戶轉戶」一欄向左撥,就會出現輸入電話號碼或電郵過數的位置,不過佢本身無乜提示,又真係幾難發覺。

wechat內的轉數快功能

入到見到呢一頁以為只係得入銀行號碼過數

向左撥就見到入電話同電郵的位置

 

【作者簡介】90後製作公司打雜,熱愛打機,亦愛行山吸收靈氣,希望快啲儲夠錢享受人生。

撰文 : 積臣

欄名 : 積財有計

緊貼財經時事新聞分析,讚好hket Facebook 專版